Ekvador bıligi senbi kúni Galapagos araldarynan 32 teńiz ıgýanasyn elden shyǵarmaq bolǵan reseılik áıeldi ustaǵanyn habarlady. Kıto áýejaıynda áıeldiń chemodanynan segiz plasık konteınerde ıgýanalar tabylǵan. Ol Islandıaǵa ushpaq bolǵan. Bul týraly Ekvador polısıasynyń X-tegi málimdemesinde aıtylǵan.
Qorshaǵan orta mınıstrligi ıgýanalardyń álsiz jáne sýsyzdanǵanyn, veterınarlar olardy densaýlyqtary jaqsarǵansha bolatyn arnaıy ortalyqqa jetkizgenin málimdedi. Áıeldiń esimi atalmady, biraq polısıa ony jabaıy janýarlar saýdasy boıynsha aıyptaýdy kútip otyr. Bul aıyptaý úsh jylǵa deıin bas bostandyǵynan aıyrýdy kózdeıdi.
Teńiz ıgýanalary Galapagosqa tán jáne osal túrler qataryna jatady. Tynyq muhıtyndaǵy Ekvadordan shamamen 1000 shaqyrym batysta ornalasqan bul arhıpelag 1979 jyly biregeı bıoalýantúrliligi úshin IýNESKO-nyń Búkilálemdik mura tizimine engizilgen.