Eldar Kýzenbaev Qazaqstan Respýblıkasy Eńbek jáne halyqty áleýmettik qorǵaý mınıstrliginiń vıse-mınıstri bolyp taǵaıyndaldy. Bul týraly úkimet qaýlysyna silteme jasap, infohub.kz habarlaıdy.
Úkimet saıtynyń málimetinshe, Kýzenbaev buǵan deıin, 2026 jyldyń naýryz aıynan bastap, osy mınıstrliktegi Kóshi-qon komıtetiniń tóraǵasy qyzmetin atqarǵan.
Eldar Qonysbaıuly Kýzenbaev 1982 jyly Qostanaı oblysynda dúnıege kelgen. Ol A. Baıtursynov atyndaǵy Qostanaı memlekettik ýnıversıteti men M. Dýlatov atyndaǵy Qostanaı ınjenerlik-ekonomıkalyq ýnıversıtetin bitirgen.
Eńbek jolyn 2002 jyly Qostanaı oblysy sottary ákimshiliginiń uıymdastyrý-taldaý bóliminiń jetekshi mamany retinde bastaǵan. Keıin ártúrli aýdandyq ýchaskelerde aǵa sot oryndaýshysy, Ádilet departamentinde bólim bastyǵy, Uzynkól aýdany ákiminiń orynbasary, Sarykól aýdanynyń ákimi jáne Qostanaı oblysy Arqalyq qalasynyń ákimi qyzmetterin atqardy. 2019–2021 jyldary Nur Otan partıasy Qostanaı oblystyq fılıaly tóraǵasynyń birinshi orynbasary, sodan keıin oblys ákimi apparatynyń basshysy boldy. 2022–2023 jyldary — QR Prezıdenti Ákimshiliginiń memlekettik ınspektory, 2023–2026 jyldary — QR Prezıdenti Ákimshiligi memlekettik baqylaý bóliminiń memlekettik ınspektory qyzmetin atqarǵan.