25 tamyzdan bastap Qazaqstanda elektrosamokat paıdalanýshylaryna qoıylatyn jańa talaptar kúshine endi, olar trotýarlarda júrýge tyıym salady, dep habarlaıdy infohub.kz.
Eske salaıyq, 1 shildeden bastap elde elektrosamokat ıelerine qatysty jas, júrgizýshi kýáligi jáne saqtandyrý máselelerine qatysty erejeler engizilgen bolatyn. Alaıda İshki ister mınıstrligi 25 tamyzdan bastap qoldanysqa engen qosymsha shekteýlerdi jarıa etti.
Buryn trotýarda saǵatyna 6 km-den aspaıtyn jyldamdyqpen júrýge ruqsat etilse, endi elektrosamokattarda tek velosıped joldarymen nemese jolaqtarymen júrýge bolady, al olar bolmaǵan jaǵdaıda — júris bóliginiń oń jaq shetimen nemese jol jıegimen júrýge bolady.
Jańa erejeler kúshine ener aldynda Almaty polısıa departamenti júris bóliginde tek 18 jastan asqan, kez kelgen sanattaǵy júrgizýshi kýáligi men qorǵanys dýlyǵasy bar adamdar ǵana júre alatynyn eske saldy.
Sonymen qatar, qarańǵy ýaqytta jaryq qaıtaratyn elementterdi paıdalaný qajet. Jolaýshylar men júkterdi tasymaldaýǵa tyıym salynady, al jaıaý júrginshiler ótkelinen ótkende samokattan túsý kerek.