Pavlodar oblysynda er adam mas kúıinde jáne júrgizýshi kýáliginsiz elektrovelosıpedpen júrgeni úshin 20 táýlikke qamaldy. Oqıǵa 4 tamyzda Atameken aýylynda bolǵan, dep habarlaıdy infohub.kz.
Shamamen tańǵy 06:30-da polısıa qyzmetkerleri memlekettik tirkeý nómiri joq Linkon markaly elektrovelosıpedti basqarǵan azamatty toqtatty. Tekserý barysynda onyń kólik quralyn basqarý quqyǵy joq ekeni, sondaı-aq аlkogóldik masań kúıde ekendigi anyqtaldy.
Sot otyrysynda quqyqbuzýshy kinásin moıyndap, aldyńǵy kúni аlkogól ishkenin, al tańerteń elektrovelosıpedpen dúkenge barǵanyn, sonda polısıa toqtatqanyn túsindirdi. Medısınalyq kýálandyrý jeńil dárejedegi аlkogóldik masań kúıdi rastady.
Pavlodardyń ákimshilik quqyqbuzýshylyqtar jónindegi mamandandyrylǵan aýdanaralyq soty elektrovelosıpedtiń tehnıkalyq sıpattamalary boıynsha L1/A1 sanatyndaǵy kólik quraldaryna jatatynyn jáne mopedke teńestiriletinin, ony basqarý úshin tıisti júrgizýshi kýáligi qajet ekenin anyqtady.
İs materıaldaryn, onyń ishinde medısınalyq kýálandyrý qorytyndysyn, beınejazbalardy, ákimshilik quqyqbuzýshylyq týraly hattamany jáne polısıa departamentiniń azamattyń júrgizýshi kýáliginiń joqtyǵy týraly málimetterin zertteı kele, sot onyń kinásin dáleldendi dep tanydy. Sot qaýlysymen azamat K. QR ÁQBtK-niń 608-babynyń 6-bóliginde kózdelgen ákimshilik quqyqbuzýshylyqty jasaǵany úshin kináli dep tanylyp, oǵan 20 táýlik merzimge ákimshilik qamaqqa alý jazasy taǵaıyndaldy. Qaýly zańdy kúshine endi.