Qazaqstandyq tenısshi Elena Rybakına mansabynda alǵash ret Kanadanyń Toronto qalasynda ótip jatqan WTA 1000 sanatyndaǵy bedeldi týrnırdiń fınalyna shyqty, dep habarlaıdy infohub.kz.
Jartylaı fınalda Qazaqstannyń birinshi raketkasy amerıkalyq Koko Gaýffty 5:7, 6:2, 6:2 esebimen qıyndyqpen jeńdi. Kezdesý eki saǵattan astam ýaqytqa sozylyp, jergilikti ýaqyt boıynsha tún ortasynan keıin aıaqtaldy.
Machtan keıin Rybakına tabysqa jetý úshin baryn salýǵa týra kelgenin moıyndady. «Men jaı ǵana kúresýge tyrystym. Jigitter, keshke deıin qalyp, meni qoldaǵandaryńyzǵa rahmet. Bul uzaq kún boldy. Koko meniń alǵashqy machym da aýyr báseke boldy. Tipti jattyǵýlarda da teń kúres ótedi. Men jaı ǵana zeıinimdi shoǵyrlandyrýǵa tyrystym, ásirese mach sońynda meniń podacham kómektesti. Birinshi sette ekeýmiz de jaqsy oınadyq, biraq keıin men sál abyrjyp qaldym. Úsh sette qaıta jeńe alǵanyma qýanyshtymyn», — dep keltiredi sportshynyń machtan keıingi suhbatyn.
Elena apta boıy kórsetken psıhologıalyq turaqtylyǵyn erekshe atap ótti. «Men osy aptada kórsetken kúreskerlik rýhymdy maqtan tutamyn. Komandamen tamasha daıyndyq ótkizdik dep oılaımyn. Endi eń bastysy — sol baǵytta jalǵastyrý. Erteń nátıje qandaı bolsa da, men jaı ǵana lázzat alýǵa tyrysamyn. Oınaýdy jáne tyrysýdy jalǵastyra beremin. Barlyq týrnırlerde alysqa baramyz dep úmittenemin», — dep qosty ol.
Fınalda qazaqstandyq tenısshi álemniń jetinshi raketkasy polák Iga Shventekpen kezdesedi. Ol paraleldi machta ýkraınalyq Elına Svıtolınany (WTA reıtıńinde 9-oryn) jeńgen bolatyn.