Áıelder arasyndaǵy jekeleı synda álemniń birinshi raketkasy Elena Rybakına Ýhandegi hard kortta ótetin WTA 1000 týrnırine qatyspaıdy. Sportshynyń bas tartqanyn jarys uıymdastyrýshylary habarlady, dep jazady infohub.kz saıty.
Qytaıdaǵy týrnır 12–18 qazan aralyǵynda ótýi tıis edi. Bastapqyda qazaqstandyq tenısshi birinshi septelgen nómirdi ıelengen bolatyn. Alaıda Instagram-stories arqyly uıymdastyrýshylar onyń aıaǵynyń jaraqatyna baılanysty jarysqa qatysýdan bas tartqanyn málimdedi. Rybakınaǵa tezirek saýyǵyp ketýin tiledi.
«Meni oıynda kórýdi kútken jankúıerlerden qatty keshirim suraımyn. Maǵan demalyp, qalpyma kelý úshin biraz ýaqyt kerek. Túsinistik tanytyp, únemi qoldaý kórsetkenderińizge raqmet! Kelesi jyly kezdesemiz», — delingen Rybakınanyń sózderinde.
Buǵan deıin qazaqstandyq sportshy Beıjińdegi hard kortta ótetin WTA 1000 týrnırinde ekinshi aınalymnan bastap synǵa túsip, birden armenıalyq Alına Charaevaǵa jol bergen edi. Osydan keıin Rybakına aıaǵyndaǵy másele týraly málimdeme jasady.
Ótken jyly álemniń birinshi raketkasy Ýhandegi týrnırdiń shırek fınalyna deıin jetken bolatyn. Osylaısha, onyń 215 reıtıńtik upaıy kúıip ketedi.