Qazaqstandyq sportshy Elmıra Syzdykova Japonıada ótip jatqan Azıa oıyndary-2026-da 76 kelige deıingi salmaq dárejesinde kúmis júldeger atandy. Sheshýshi beldesýde 2016 jylǵy Olımpıada oıyndarynyń qola júldegeri 2024 jylǵy Olımpıada chempıony ári 2023 jylǵy álem chempıony japondyq Iýka Kagamıge 1:5 esebimen jol berdi, dep habarlaıdy infohub.kz saıty.
Fınal tartysy tartysty órbidi: birinshi kezeńnen keıin Syzdykova 1:0 esebimen alda turdy. Alaıda beldesýdiń ekinshi jartysynda Kagamı bes upaı jınap, kezdesýdi 5:1 esebimen jeńispen aıaqtady.
Buǵan deıin Oıyndar-2026-nyń qola medalin Zeınep Baıanova jeńip alǵan bolatyn.
Erkin kúresten Nachyn Kýýlar men Edige Qasymbek qola medal ıelense, Azamat Dáýletbekov úshinshi oryn úshin beldesýde jeńilis tapty.
Qazaqstannyń grek-rım kúresi quramasy Azıadanyń bir medalin qorjynǵa saldy. Qolany Meıirjan Shermahanbet oljalady. Shamıl Ojaev pen Islam Evloev qurmet tuǵyrynan bir qadam qalǵanda toqtady.
Japonıadaǵy XX Jazǵy Azıa oıyndary 19 qyrkúıekte resmı túrde ashyldy. 45 eldiń sportshylary qatysatyn jarysta 460 medal jıyntyǵy sarapqa salynýda. Azıada-2026-da Qazaqstan quramasynyń quramynda 35 sport túrinen 558 sportshy óner kórsetýde.