Bloger Elmıra Tólegenova jubaıy Erbolat Janabylovpen ajyrasatynyn málimdedi. Bul týraly ol áleýmettik jelidegi paraqshasynda jazyp, jazylýshylaryna aıtty, dep habarlaıdy infohub.kz saıty.
«Túnde storıs shyǵyp, osylaı habarlaǵym kelmedi, biraq biz ajyrasý ústindemiz», — dedi Tólegenova.
Jelide Elmıranyń kıim ilgishte jasyrynyp, ishinen jabylǵan vıdeosy da tarady. Qazirgi ýaqytta bul jazba blogerdiń paraqshasynan óshirilgen.
Degenmen storıste Tólegenova bolǵan jaǵdaıǵa túsinik berip, jalǵan aqparat taratpaýǵa shaqyrdy. «Oılaǵandaı eshqandaı uryp-soǵý bolǵan joq. Erbolat ekinshi telefonymdy almaq bolǵandyqtan, ilgishke jabyldym», — dep túsindirdi ol.
Qazir Elmıra balalarymen úıde, janynda jaqyn adamdary bar. Ol ózine kelip, tynyshtalǵan soń jaǵdaıdy tolyǵyraq túsindiretinin ýáde etti.
Eske salaıyq, 27 sáýirde blogerlerge qatysty úkim shyǵaryldy. Sýdıa prokýror usynǵan merzimdermen kelisti — blogerler zańsyz kásipkerlik jáne qylmystyq jolmen tabylǵan aqshany jáne (nemese) ózge múlikti zańdastyrý (jylystatý) boıynsha kináli dep tanyldy.
Sondaı-aq sot Janabylov pen Tólegenova qylmystyq qarajatqa satyp alǵan iPhone 16 (17 dana) men Hyundai Elantra (8 dana) kólikterin tárkileýge sheshim qabyldady.