Qazaqstan quramasy Azıada-2026 oıyndarynyń eskek esý sprınti boıynsha medal qorjynyn tolyqtyrdy: Sergeı Emelánov pen Rýfına Iskakova aralas kanoe-qosarda 500 metr qashyqtyqta qola júldeger atandy, dep habarlaıdy infohub.kz saıty.
Qazaqstandyq ekıpaj qashyqtyqty 1 mınýt 51,124 sekýndta júzip ótti. Bul nátıje sportshylarǵa úshinshi oryn áperdi.
Osy saıysta altyndy Qytaı ókilderi Ý Shenúe men Ma Ianan jeńip aldy. Kúmis júlde Ózbekstan sportshylary Vladlen Denısov pen Nılýfar Zokırovaǵa buıyrdy.
Dál osyndaı saıysta, biraq baıdarkada qazaqstandyqtar Olga Shmelóva men Artóm Tereshenko tórtinshi orynmen tuǵyrdan bir qadam qaldy.
Bul júzýde qytaılyqtar Lı Chenhao men Chjan Lýsı úzdik shyqty. Kúmisti ońtústikkoreıalyqtar Choı Mın Kú men Són Mın Djý, al qolany japondyqtar Rın Fýkýda men Akıhıro Inoýe aldy.
Osylaısha, Azıada-2026-da baıdarka men kanoe esýiniń sprınt saıystarynda Qazaqstan quramasy alty medal jeńip aldy: bir kúmis jáne bes qola.