Londonnyń Joǵarǵy soty Mıch Ýaınhaýsty marqum qyzy, ánshi Emı Ýaınhaýstyń qurbylaryna sot shyǵyndaryn óteýge mindettedi. Buǵan deıin ol olardy ánshiniń jeke zattaryn zańsyz satty dep aıyptaǵan edi, dep habarlaıdy infohub.kz.
Ákesi men Emıdiń jaqyn qurbylary arasyndaǵy sot talqylaýy Mıchtiń tolyq jeńilisimen aıaqtaldy. Sot oǵan 2,7 mıllıon dollar kóleminde zıandy óteý jáne sot shyǵyndaryn tóleýdi mindettedi.
Buǵan deıin Mıch Ýaınhaýs talap qoıyp, qyzdardyń 2021–2023 jyldary AQSH-ta ánshiniń 155 jeke zatyn, onyń ishinde kıimderin, balet aıaq kıimderin, zergerlik buıymdaryn jáne 2011 jylǵy sońǵy gаstróldik saparyndaǵy kóılegin aýksıonǵa qoıýǵa quqyǵy joq dep málimdegen edi. Saýda-sattyq 1,4 mıllıon dollardan astam tabys ákeldi. Ákesi qurbylar satý faktisin odan jasyryp, aqshany ıemdenip aldy dep aıyptaǵan.
Alaıda sýdıa Sara Klark Mıchtiń qyzdardyń nıeti týraly basynan bilgenin jáne aıyptaýdy aýksıondar aıaqtalǵannan keıin ǵana qoıǵanyn anyqtady. Sýdıa onyń talabyn álsiz jáne agressıvti dep atap, Emı Ýaınhaýstyń árqashan jaqyndaryna jomart bolǵanyn jáne olarǵa jıi zattar syılaǵanyn atap ótti. Sot sheshimi boıynsha, Mıch jaýapkerlerdiń shyǵyndaryn óteýge mindetti, sebebi onyń áreketteri olardyń bedeli men densaýlyǵyna zıan keltirdi.