Halyqaralyq qazylar alqasy alǵash ret álemdegi eń ádemi sózdi tańdap, ol maorı tilindegi 'kaıtıakıtanga' (kaitiakitanga) boldy. Bul uǵym adamnyń tabıǵatpen baılanysyn jáne onyń bolashaǵy úshin jaýapkershiligin bildiredi, dep habarlaıdy infohub.kz.
Sóz Jańa Zelandıanyń jergilikti halqy – maorı tilinen shyqqan. Onyń orys tilinde týra balamasy joq. 'Kaıtıakıtanga' – bul jaı ǵana qorshaǵan ortaǵa qamqorlyq emes, adamnyń tabıǵattyń qorǵaýshysy bolý mindeti. Maorı dúnıetanymy boıynsha, adam jer men onyń resýrstarynyń ıesi emes. Ol – tabıǵı álemniń bir bólshegi, oǵan tepe-teńdikti saqtap, kelesi urpaqqa jetkizý tapsyrylǵan.
Jeńimpazdy Babbel til úırený platformasy anyqtady. Joba komandasy áleýmettik jeliler men til forýmdaryndaǵy talqylaýlardy zerttep, sodan keıin halyqaralyq lıngvıser men mádenıet sarapshylarynan quralǵan qazylar alqasy 75 tilden astam 223 sózdiń ishinen úzdik nusqany tańdady. Baǵalaý kezinde dybystalý ásemdigi, aıtylý erekshelikteri ǵana emes, sózdiń maǵynasy, onyń mádenı qundylyǵy jáne búkil álemdegi adamdar úshin mańyzdy ıdeıalardy beıneleý qabileti de eskerildi.
Fınalıster qataryna baı tarıhy men tereń maǵynasy bar sózder endi: portýgaldyq Saudade – qymbat jáne ótken nársege degen jaryq saǵynysh; japondyq Ikigai – ómirdiń máni men sebebi; vallılyq Hiraeth – týǵan jerge nemese joǵalǵan orynǵa saǵynysh; zýlýstyq Ubuntu – adamgershilik pen adamdardyń ózara baılanysy ıdeıasy; sondaı-aq ıdısh tilindegi Luftmensch – materıaldyq qundylyqtardan góri ıdeıalarmen ómir súretin armanshyl adam beınesi.