AQSH-tyń Kalıfornıa shtatynda álemdegi eń úreıli ıt ataǵyna konkýrs ótti. Qatysýshylardy syrtqy kelbetine emes, daralyǵyna, minezi men ómir tarıhyna qarap baǵalady. Jeńimpaz alty jasar Djınnı Lý atty mops ıt atandy, dep habarlaıdy infohub.kz.
2026 jyly World's Ugliest Dog konkýrsyna 50 jyl tolady. Uıymdastyrýshylardyń aıtýynsha, bul jarystyń maqsaty — janýarlardy kelemejdeý emes, baspanalardaǵy ıtterdi asyrap alýǵa nazar aýdarý, dep jazady The New York Times.
Birinshi oryndy Ońtústik Koreıa taýlarynan tabylǵan Djınnı Lý ıelendi. Aıazda ony aǵash jáshikte tastap ketken. Eriktiler ıtti baspanaǵa aparǵan, sol jerden ol qazirgi ıesine jetken. Basqa mopstardan Djınnı dóńes kózderi men únemi tili syrtqa shyǵyp turatyndyǵymen erekshelenedi.
Jeńiske jetkeni úshin Djınnı Lý ıesi Mıshel Greıdı $5 myń alady. Sonymen qatar, ıttiń tumsyǵy syranyń shekteýli serıasynyń qaptamasynda beınelenedi — óndirýshi jarystyń demeýshisi bolyp tabylady. Ekinshi oryndy pomeranıalyq shpıs pen albınos chıhýahýanyń býdany Pınkı ıelendi, ol $3 myń utyp aldy. Taǵy $2 myń tańdaıy jarylǵan Ottoǵa buıyrady.
Al Qazaqstanda ıt etin kafelerde satý máselesi qaıta kóterildi. Janýarlardy aıaýsyz soıý arqyly etin arzan baǵamen ótkizedi. Olardyń qańǵybas nemese ıesi bar bolýy mańyzdy emes.
Buǵan deıin Kursiv LifeStyle qazaqstandyq arnaıy jasaq ıtiniń parashútpen sekirgenin jazǵan bolatyn.