Eńbek etseń erinbeı...

- Balalar bizdiń bolashaǵymyz.
Ár balanyń shyǵarmashylyq qyzyǵýshylyǵyn damytýǵa jáne de jan - jaqty jetilýine jaǵdaı jasaý - árbir ustazdyń mindeti.
«Adam ustazdan úırenip, shákirtpen ósedi» - deıdi halyq danalyǵy, al ustaz sol shákirttiń bilim sapasyn kóterý úshin, bilim berýdiń sapalyq deńgeıin kóterýi kerek.
Qazirgi ýaqyttaǵy balanyń bilimi joǵary deńgeıde bolý mindetti, al sol joǵary deńgeıge jetý úshin, jas ustazdar kóp eńbek etý kerek. Ol eńbek sabaqta jańa tehnologıalardyń elementterin t. b. tıimdi paıdalanýdan bastalady.

«Ashyqqanǵa balyq berme, qarmaq ber» dep ustaz shákirtterine bilim berýmen qatar, olardyń bilimdi óz betimen izdenýine yqpal etýi tıis. Óıtkeni qazirgi ýaqytta balanyń bári birdeı júırik, bilgir bola bermeıdi, solardyń ishinen júzden – júırigi, myńnan – tulpary shyǵady. Halyq aqyny Kenen Ázirbaevtyń mynadaı beıneli qanatty sózi arqyly da jetkizýge bolady. «Bir aǵashta qansha butaq, Bireý – aq qamshyǵa sap» degendeı.

Prezıdentimiz N. Á. Nazarbaevtyń halyqqa joldaǵan «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty maqalasynda eńbekke kóp kóńil bólgenin aıtýǵa bolady. Maqalada berilgen 20 tapsyrma elimizdegi áleýmettik jańǵyrtý prosesin tereńdete túsýge arnalǵan. «Kim kóp eńbektense, sol kóp tabysqa jetip, ósip - órkendeıdi» delingen. Máselen Sh. Qudaıberdıevtiń «Mindeý men kúndeý» degen óleńinde jastarǵa bylaısha oı tastaıdy. «Erinbeseń eńbekke dáýlet daıyn, Jaratqan joq jatsyn dep bir qudaıyń. Oılasyn dep oı berdi, kórýge – kóz, Aıaq berdi, tapsyn dep basqan saıyn» Aqyn jastarǵa «Ómirdegi baqyt pen baılyq eńbekpen keledi, eńbektenseń, talaptansań ǵana ol seniń qolyńa ózi kelip qonady» delingen.

Aqyn Abaı atamyz aıtqandaı «Eńbek etseń erinbeı, toıady qarnyń tilenbeı» - dep, ustaz kezinde alǵan bilimin, boıǵa daryǵan ónerin eńbek etýmen únemi jańǵyrtyp otyrý kerek. Elimizdiń táýelsizdiginiń arqasynda zaman talabyna saı qazirgi ýaqytta ustaz kompútermen jáne ınteraktıvti taqtamen jumys jasaýymen, ınternetke shyǵýymen t. b. jumys jasap bilimin tolyqtyrýy tıis.