Қазақстанда әл-ауқаты жоғары азаматтарға жерлеуге берілетін төлемді сақтамау туралы шешім қабылданды. Бұл түсіндірме Орталық коммуникациялар қызметінде өткен брифингте айтылды, онда еңбек және халықты әлеуметтік қорғау министріне тиісті сұрақ қойылды, деп хабарлайды infohub.kz сайты.
Журналист сұрақ қоя отырып, жерлеуге берілетін төлем мөлшері бұрын да жерлеуді ұйымдастыруға жетпейтінін атап өтіп, оны неге болмаса көңіл айту белгісі ретінде қалдырмағанын сұрады.
«Мұнда А және В санаттарына келетін болсақ, тағы да қайталаймын: біз мұқтаждық критерийлерін қарастырдық және жәрдемақыларды ең алдымен әлеуметтік қолдауға шынымен мұқтаж азаматтарға бағыттаған дұрыс деп есептейміз», — деп түсіндірді еңбек және халықты әлеуметтік қорғау министрі Асқарбек Ертаев.
Бұған дейін 2027 жылдың 1 қаңтарынан бастап кейбір жәрдемақы түрлері, сондай-ақ жерлеуге берілетін біржолғы төлем Қазақстанда отбасының әлеуметтік әл-ауқат деңгейін объективті бағалауға негізделген мұқтаждық қағидаты бойынша берілетіні хабарланған. Еңбек және халықты әлеуметтік қорғау министрлігінде қазақстандықтардың қайсысы А (әл-ауқаты жоғары), В (ауқатты), С (табысы 305 мыңнан), D (кедейлік шегінде) және Е (ең осал санат) санаттарына жататынын түсіндірді.