Qyzylorda qalasy,
№112 orta mektebiniń bastaýysh
synyptar jónindegi orynbasary,
ózin - ózi taný páni muǵalimi
Jortýlova Kenjegúl Taldyrmashqyzy

Ózin - ózi taný 4 synyp
Taqyryby: «Eńbekqorlyq pen erinshektik»
Maqsaty: «Eńbek» uǵymynyń qundylyǵy retindegi mańyzdylyǵyn ashý.
Mindetteri:
- eńbektiń adam ómirindegi mańyzdylyǵyn túsindirý
- eńbekti qadirleý, baǵalaý, eńbektiń qýanyshyn seziný, iskerlikterin damytý:
- eńbeksúıgishtikke, tabandylyqqa, shydamdylyqqa, dostyqqa, ujymshyldyqqa tárbıeleý.
Kórneki quraldar: úntaspa, sújetti sýretter.
Áýendi mýzyka arqyly tynyshtyq sáti bastaý.

Tynyshtyq sáti
Balalar ornymyzda denemizdi bos ustap, tereń demalamyz. Kóz aldymyzǵa egis alqabyndaǵy úlkender eńbegin elestetemiz. Barlyǵy bizdiń bolashaǵymyz úshin, jaqsy ómir súrýimiz úshin mańdaı terlerin tógip, eńbek etýde. Bizdiń qazirgi tańdaǵy qolymyzdan keletin eńbegimiz sabaq oqý, bilim alý. Endeshe kózimizdi ashyp, ózimizdiń bilim alatyn synybymyzǵa qaıta oralaıyq.
Mýzykanyń súıemeldeýimen án oryndalady.
Bolaıyqshy osyndaı
Jaqsy bala eńbekshil
Er azamat bolady.
Qıyndyqty jeńip kil,
Qushaǵy gúlge tolady.
Eńbekshil osyndaı,
Bolaıyqshy dosym - aı.
Óleń joldarynda ne týraly aıtylǵanyn suraý.
Eńbektený adamǵa ne úshin qajet?
Eńbekqorlyq adamdy taǵy qandaı qasıetterge baýlıdy?
Ózińdi eńbekqormyn dep sanaısyń ba?
Mátinmen jumys «Eńbeksúıgish pen Erinshek» ertegisi oqylady.
Mátin boıynsha jumys júrgiziledi. Mátindi eki topqa bólip oqýǵa ýaqyt berý.
- eńbeksúıgish pen erinshektiń áreketterin salystyryp, erekshelikterin aıtyp ber.
- «Naǵyz adamnyń ótken jyldary óshpeıdi» degendi qalaı túsinesińder?
- Eńbeksúıgishtiń boıyndaǵy jaqsy qasıetterdi atap berińder.
Jańa aqparat
«Adal eńbektiń nátıjesi adamdy qýanyshqa bóleıdi. Adam óz maqsatyna erinbeı eńbek etkende ǵana qol jetkize alady.»

- Sergitý sáti;
Eńbek
Qyrǵa shyqsań, órlep,
Munyń aty – Eńbek
Keste tikseń, zerlep
Munyń aty – Eńbek
Sabaǵyńa jóndep
Ázirlenseń – Eńbek.
Qıyndyqtyń bárin
Eńbek qana jeńbek.

Eki nusqaǵa eki óleń beriledi sol óleńde ne týraly aıtylǵan túsindirý kerek.
Dáıeksóz
Muǵalim sabaq taqyrybyn ashý maqsatynda taqtaǵa
«Eńbek - qýanysh, jalqaýlyq - aıyrylmas azap» deıtin maqal sózdi jazady jáne onyń mánin túsindiredi:

Dáptermen jumys
1. Dápterde berilgen kestege erinshek pen eńbekqorǵa tán belgilerdi bólip jazý tapsyrylady.
2. Maqaldardy oqyp maǵynasyn túsindirý. Ózderi eńbek týraly naqyl sózder aıtý.
Qorytyndy
Muǵalimniń sózi:
Adam boıynda tabylyp jatatyn eń bir jaǵymsyzdyq – erinshektik. Bul ádet – búkil dúnıedegi ónerdiń dushpany. Óıtkeni erinshek kisiniń moıny iske jar bermeıdi. Osyǵan baılanysty Abaı atamyz 38 - qara sózinde: «Kúlli adam balasyn qor qylatyn úsh nárse bar. Sodan qashpaq kerek. Áýeli – nadandyq, ekinshi – erinshektik, úshinshi - zalymdyq» - degen eken.
Tapsyrma:
«Óz eńbegińniń jemisi nelikten tátti?» degen suraqqa jaýap beredi.
Oqýshylar muǵalimmen birge sheńberde turyp, «tilek» aıtady.

Tynyshtyq sáti
Eńbek
Jasampaz tórdi túletip,
Jańǵyrtqan qaıta myń ret.
Shóleıtti jerdi gúl etip,
Jaıqaltqan men bir qudiret.
Bári de meniń jeńisim, Zeınetim, demek, jemisim,
Shalqyǵan astyq, kenishim –
Yrysty beıbit el úshin!

Shattyqtyń ánin terbetken,
Kóresiń meni jer - kókten.
Erliktiń týyn órletken,
Órkender ǵalym eńbekpen.
Sondyqtan oılap erteńdi,
Súıip ós, maǵan tabyn da.
Eńbekpen ómir órkendi
Eńbekpen keler baǵyń da.