Qyrǵyzstannyń energojúıesi Qazaqstannyń Biryńǵaı elektr energetıkalyq júıesindegi tehnologıalyq buzylystan keıin ýaqytsha oqshaýlanǵan rejımge kóshti, dep habarlaıdy infohub.kz.
Qyrǵyz Respýblıkasy Energetıka mınıstrliginiń málimetinshe, 2026 jylǵy 14 tamyzda saǵat 15:34-te Qazaqstan energojúıesiniń soltústik jáne ońtústik bólikterin jalǵaıtyn joǵary vóltti jelidegi syrtqy ajyratý saldarynan Ortalyq Azıanyń birikken energojúıesi (OABEJ) oqshaýlanǵan energotúıinge bólindi.
«Qyrǵyz Respýblıkasynyń energojúıesi ýaqytsha oqshaýlanǵan rejımge kóshti. Jabdyqty saqtaý úshin avtomatıka reglamentke sáıkes iske qosyldy», — dep atap ótti mınıstrlikte.
Jaǵdaı energetıkterdiń baqylaýynda. Mamandar jumys rejımin turaqtandyrý jáne elektrmen jabdyqtaýdyń qalypty sqemasyn qalpyna keltirý úshin qajetti sharalardy qabyldaýda.
«Qazirgi ýaqytta ajyratylǵan abonentter joq, tutynýshylardy elektrmen jabdyqtaý úzdiksiz júzege asyrylýda. Elektr energıasyndaǵy qysqa merzimdi úzilisterdiń sebebi týraly aqparat qosymsha beriletin bolady», — dep túıindedi mınıstrlikte.
Eske salaıyq, 2026 jylǵy 14 tamyzda saǵat 14:37-de Qazaqstannyń Biryńǵaı elektr energetıkalyq júıesinde «Aǵadyr – Úlken» L-5300 jáne L-5320, sondaı-aq «Aqtoǵaı – Taldyqorǵan» L-5400 500 kV elektr berý jelileriniń ajyraýymen tehnologıalyq buzylys boldy.