Áleýmettik jelide Djımotı atty enottyń beınejazbalary tarap jatyr. Veterınarlardyń aıtýynsha, onyń denesiniń erekshe pishini julynnyń týa bitken aqaýynan bolýy múmkin. Bul týraly infohub.kz habarlaıdy.
Djımotıdiń beınejazbalary birneshe kún ishinde áleýmettik jeli qoldanýshylary men Sıetl turǵyndarynyń kózaıymyna aınaldy. Janýar óziniń ádetten tys dene proporsıalary men pishini arqyly nazar aýdartty.
Vashıngton shtaty ýnıversıtetiniń veterınarıa profesory Marsı Logsdon The Seattle Times basylymyna bergen suhbatynda ataqty enottyń syrtqy kelbetine qatysty pikir bildirdi. Onyń aıtýynsha, beınejazba arqyly naqty dıagnoz qoıý qıyn bolǵanymen, janýardyń dene qurylymyndaǵy erekshelik julynnyń týa bitken malformasıasynan týyndaǵan bolýy yqtımal. Fızıologıalyq erekshelikterge qaramastan, maman enottyń ómir súrý sapasy joǵary ekenin atap ótti. Logsdon Djımotıdiń sátti er jetýi onyń qorshaǵan ortaǵa tamasha beıimdelgenin jáne jabaıy tabıǵat jaǵdaıynda tolyqqandy ómir súre alatynyn kórsetetinin aıtty.