Álemge áıgili ıspan ánshisi Enrıke Iglesıas elordada ótken konsertten keıin Qazaqstandaǵy jankúıerlerine alǵysyn bildirdi, dep habarlaıdy infohub.kz saıty.
Álem juldyzy 3 qyrkúıekte Astanada ótken konserttiń beınejazbasy men fotosýretterin Instagram-da jarıalap, kórermenderge rızashylyǵyn bildirdi. "Astana! Qazaqstandaǵy alǵashqy shoýym úshin rahmet!" — dep jazdy ártis.
Jarıalanym birden "qyzyl júreksheler" men tolǵandyrarlyq pikirlerdiń kóptep jınalýyna sebep boldy. Jankúıerler emosıalaryn aıamady: "Bul keremet kesh boldy, rahmet", "Biz seni jaqsy kóremiz", "Batyr", "Biz seni qaıta-qaıta kútemiz", "Umytylmas sátter úshin rahmet. Keshe tamasha boldy", "Taǵy bir álemdik týr, ótinemin", "Keremet daýys jandy tebirentedi".
Eske salaıyq, bıylǵy jyldyń naýryz aıynda Enrıke Iglesıas Qazaqstanda eki konsert ótetinin málimdegen bolatyn: 3 qyrkúıekte Astanada jáne 5 qyrkúıekte Almatyda. Elordadaǵy óner kórsetý aldynda ánshi qaladan alǵashqy kadrlardy bólisti, al jankúıerler ony áýejaıda qarsy aldy. Shoýdan keıin qazaqstandyq tanymal tulǵalar da áleýmettik jelilerde óz áserlerimen bólisti.