Álemge áıgili ánshi Enrıke Iglesıas Astanaǵa keldi, búgin onyń kópten kútken konserti ótedi. Ártis Qazaqstandaǵy jankúıerlerimen birge túsken kadrlardy áleýmettik jelide bólisip úlgerdi, dep habarlaıdy infohub.kz saıty.
Qazaqstandyqtar áleýmettik jelilerde Enrıke Iglesıastyń elordaǵa kelgen sátin beıneleıtin fotosýretter men beınejazbalardy belsendi túrde jarıalaýda. Instagram-daǵy Aizhanmua degen qoldanýshy ózge qyzdarmen birge ánshiniń portretterin ustap, ushý aımaǵynda ony kútip turǵanyn kórsetetin rolık jarıalady. Kadrlarda Iglesıastyń pasporttyq baqylaý qyzmetkerimen sýretke túsip qana qoımaı, ony kútip turǵan jankúıerlerge de birlesken sýretke túsýden bas tartpaǵany kórinedi.
Qazaqstandaǵy konsertterge arnalǵan Galaconcert.kz akkaýnty Enrıkeniń ushaqtan túsip kele jatqanyn beıneleıtin vıdeo jarıalady. Rolıkke berilgen sıpattamada: «Enrıke ekeýmiz bir aýamen tynystap jatyrmyz» delingen.
Sonymen qatar, jelide jasandy ıntellekt kómegimen jasalǵan Iglesıastyń beınesi bar kúlkili memder paıda boldy.
Eske salaıyq, naýryz aıynda ataqty oryndaýshy Qazaqstanda qyrkúıekte Almaty men Astanada ótetin eki konsertin jarıalaǵan bolatyn. Astanadaǵy óner kórsetý 3 qyrkúıekke josparlanǵan, al Almatyda ártis 5 qyrkúıekte sahnaǵa shyǵady. Astana ákimdigi kórermenderge yńǵaıly bolý jáne kólik júktemesin azaıtý úshin konsert kúni arnaıy shattl baǵyttary uıymdastyrylatynyn habarlady. Sondaı-aq, is-shara ótetin kóshelerde qozǵalystyń shekteletini belgili boldy.