Tanymal ánshi Enrıke Iglesıas Instagram-da «Astana Arena» stadıonynyń janynda qazaqstandyqtardyń Sıaramen birge oryndaǵan «Takin' Back My Love» ániniń áýenimen lezgınka bılegen vıdeosyn bólisti. Rolıkke ol qysqasha «Kazahstan» dep qol qoıdy, dep habarlaıdy infohub.kz.
Bul jarıalanym ánshiniń qazaqstandyq jankúıerleri arasynda qyzý talqylaý týdyrdy. Pikirlerde olar: «Bul — 40 gradýs temperatýradaǵy tús sıaqty», «Qazaqstan — kópultty dostyq el! Biz álemdik juldyzdarǵa árqashan qýanyshtymyz», «Qazaqstanda 130-dan astam ult ókilderi tatý-tátti ómir súredi» dep jazdy.
Túsirilimniń mán-jaıyn qazaqstandyq Sálim Aılazov ashyp aıtty. Onyń shákirtteri stadıon mańynda bılegen. Ol bul — óziniń ansambli ekenin, Iglesıastyń operatory bir kún buryn olarǵa kelip, vıdeony ánshige jiberetinin aıtqanyn jetkizdi. «Biz senbegen edik, endi senemiz», — dedi ustaz.
Post astyndaǵy pikirlerde Sálim Aılazov Enrıke Iglesıasqa alǵys sózderimen de júgindi: «Qurmetti Enrıke Iglesıas, keremet konsertińiz úshin zor alǵys! Siz bizdi balalyq shaǵymyzǵa qaıtardyńyz jáne tamasha estelikter syıladyńyz. Qazaqstan — 140 etnos ókilderi birge turatyn kópultty el, árqaısymyz sizdi qaıta kórgenimizge shyn júrekten qýandyq. Biz úshin sizge óner kórsetý úlken baqyt pen mártebe boldy. Osy umytylmas kesh úshin rahmet!»
Eske salaıyq, búgin Iglesıas Almatyda konsert beredi. Buǵan deıin Ortalyq stadıonda jáne oǵan irgeles aýmaqta 2 myńǵa jýyq polısıa qyzmetkeri jumyldyrylatyny habarlanǵan bolatyn. Ánshini Almatyda jankúıerlerimen sýretke túsken kezde baıqaǵan.