Eýropalyq komısıa tóraǵasy Ýrsýla fon der Láıen Eýropalyq odaqtyń búkil aýmaǵynda 13 jasqa tolmaǵan balalarǵa áleýmettik jelilerdi paıdalanýǵa tyıym salýdy josparlap otyrǵanyn málimdedi, dep habarlaıdy infohub.kz saıty.
Onyń aıtýynsha, jas eýropalyqtar kúnine tórt-alty saǵat ekranǵa qarap otyrady, óıtkeni algorıtmder olardyń nazaryn tym qatty ustap qalady.
«Biz balalarymyzdyń tolyq tutqynǵa túskenin kórip otyrmyz. Olardyń nazary, zeıini, sanasy baýrap alyndy. Bul balalardy balalyq shaǵynan aıyrady», — dedi ol.
Fon der Láıen kámeletke tolmaǵandardyń áleýmettik jelilerdi paıdalanýyna qatań shekteýler qarastyratyn «Balalardy qorǵaý týraly» zańdy qabyldaý josparyn jarıalady.
«Biz kezeń-kezeńimen jáne saralanǵan tásildi qoldanamyz. Ár jastyń óz ereksheligi bar, sondyqtan árqaısysy úshin jeke qorǵaý deńgeıi bolady. 13 jasqa tolmaǵan adamdarǵa áleýmettik jelilerdi paıdalanýǵa tyıym salynady. 15 jasqa tolmaǵan adamdarǵa jeke akkaýnt ashýǵa tyıym salynady. Bul 13 pen 15 jas aralyǵyndaǵylarǵa ata-anasy nemese qamqorshysy jasap, baqylaıtyn, fýnksıalary shekteýli jáne kúnine bir saǵattan aspaıtyn ýaqyt shekteýi bar mını-akkaýnttarǵa ǵana ruqsat etiletinin bildiredi, al 15 pen 18 jas aralyǵyndaǵylar úshin platformalar qaýipsiz dızaın engizýge mindetti bolady», — dedi Evrokomıssıa tóraǵasy.
Ol Eýroodaq táýeldilik týdyratyn fılmder men serıaldarǵa, sondaı-aq balalardyń barǵan saıyn ekstremaldy kontentke áýestenýine jol bermeıtinin qosty.
«Endi platformalar bizge ózderiniń qaýipsizdigin dáleldeýge mindetti bolady, óıtkeni bul — kámeletke tolmaǵandarymyzdyń áleýmettik jelilerge qol jetkizýi týraly emes. Bul — biz áleýmettik jelilerge kámeletke tolmaǵandarymyzǵa qashan jáne qalaı qol jetkizýge ruqsat beretinimiz týraly. Eýropanyń áreket etýge quqyǵy bar. Erejeni iri tehnologıalyq kompanıalar emes, biz belgileımiz», — dep atap ótti ol.