Eýrokomıssıa Ýkraınaǵa áskerı tehnıka men qarý-jaraq satyp alýǵa 6,1 mlrd eýro jumsaıdy, dep habarlaıdy infohub.kz saıty.
Bul týraly Ýkraınanyń Táýelsizdik kúni qarsańynda Kıevke kelgen Eýrokomıssıa basshysy Ýrsýla fon der Láıen málimdedi. Qarajat Ýkraınaǵa qazir óte qajet áýe jáne zymyranǵa qarsy qorǵanys júıelerine, zymyrandarǵa, oq-dárilerge jáne radıolokasıalyq stansıalarǵa jumsalady, dedi fon der Láıen.
Bul tólem 2026-2027 jyldarǵa arnalǵan jalpy somasy 90 mlrd eýro bolatyn Ýkraınany qoldaý kredıtiniń (UASL) bóligi bolyp tabylady, dep atap ótti Eýrokomıssıa saıtynda.
Buǵan deıin Vladımır Zelenskı Ýkraına táýelsizdiginiń 35 jyldyǵyna oraı beıneúndeýinde odaqtastardy «osy soǵysty toqtatý úshin, Pýtın kelesi soǵysty bastap úlgermeı turyp, ony tezirek toqtatý úshin Ýkraınaǵa bárin berýge» shaqyrǵan, dep jazady basylym.