2026 jyldyń 2 tamyzynan bastap Eýropalyq Odaqta jasandy ıntellekt týraly zańnyń (AI Act) qoldanylýy bastaldy. Eýrokomıssıa ulttyq bılik organdarymen birlesip, dıpfeıkterdiń ashyqtyǵyna qoıylatyn talaptardy qosa alǵanda, jańa erejelerdi qoldanýǵa kiristi, dep habarlaıdy infohub.kz saıty.
Jańa normalar generasıalanǵan kontentti tańbalaýdy jáne paıdalanýshylarǵa olardyń adammen emes, chat-botpen sóılesip jatqanyn habarlaýdy mindetteıdi. Dıpfeıkterde de mashına oqı alatyn arnaıy tańba bolýy kerek.
Retteýshiler jalpy maqsattaǵy jasandy ıntellekt (GPAI) modelderin ázirleýshilerge erekshe nazar aýdarady. Júıelik táýekeli joǵary jetildirilgen júıelerdi jetkizýshiler kıbershabýyldardan, hımıalyq jáne bıologıalyq qaýipterden qorǵaný úshin qatań belgilengen qaýipsizdik sharalaryn saqtaýǵa mindetti. 180-nen astam uıym generasıalanǵan kontenttiń ashyqtyǵy boıynsha arnaıy Praktıka kodeksine qol qoıdy.
Retteýshilerge ǵylymı qoldaýdy 60 táýelsiz sarapshydan turatyn sarapshylar keńesi kórsetedi. Bas ǵylymı keńesshi bolyp Oksford ýnıversıtetiniń profesory Alessandro Abate taǵaıyndaldy. Eýrokomıssıanyń atqarýshy vıse-prezıdenti Henna Vırkýnen bul qadamdar tehnologıaǵa degen senimdi nyǵaıtatynyn atap ótti.