Qazaqstan Respýblıkasynyń vıse-prezıdenti, Álemdik jáne dástúrli dinder lıderleri sezi hatshylyǵynyń jetekshisi Erlan Karın Qasıetti Taqtyń dinaralyq dıalog dıkasterıasynyń prefekti kardınal Djordj Djeıkob Kývakadpen kezdesti, sodan keıin II birlesken kolokvıýmnyń ashylýyna qatysty, dep habarlaıdy infohub.kz saıty.
Kezdesý barysynda Sıez men Kolokvıým aıasyndaǵy ózara is-qımyl máseleleri, sondaı-aq birlesken gýmanıtarlyq bastamalardy júzege asyrý talqylandy. Kardınal Djordj Djeıkob Kývakad Qazaqstan Prezıdenti Qasym-Jomart Toqaevqa Rım Papasy Lev XIV Mártebeli Mártebesiniń jyly lebizin jáne qazaqstandyqtarǵa degen izgi tilegin jetkizdi.
Kezdesý sońynda Erlan Karın men kardınal Djordj Kývakad aýyr jáne emdelmeıtin aýrýlary bar balalardyń ómirin, densaýlyǵyn jáne qadir-qasıetin qorǵaýǵa arnalǵan II birlesken kolokvıýmnyń ashylýyna qatysty. İs-sharaǵa memlekettik organdardyń, dinı uıymdardyń, medısınalyq jáne ǵylymı-bilim berý mekemeleriniń ókilderi, sondaı-aq sarapshylar qatysty.
Ashylý barysynda sóılegen Erlan Karın dinaralyq dıalog naqty gýmanıtarlyq nátıjeler ákelýi kerektigin atap ótti. Ol sondaı-aq memleket basshysy Qasym-Jomart Toqaevtyń jetekshiligimen júrgizilip jatqan aýqymdy saıası jáne áleýmettik-ekonomıkalyq reformalar týraly aıtty. Vıse-prezıdenttiń aıtýynsha, azamattardyń ál-aýqatyn arttyrý — ózgeristerdiń basty maqsaty, al balalardy, ásirese eń osal toptaǵylardy qorǵaý — memlekettik saıasattyń mańyzdy basymdyqtarynyń biri.
Qatysýshylar qazaqstan-vatıkandyq birlesken bastama retinde ilgeriletilip jatqan Emdelmeıtin aýrýǵa shaldyqqan balanyń quqyqtary hartıasynyń jobasyn talqylady. Erlan Karın dıkasterıa men «Bambıno Djezý» aýrýhanasyna qujatty daıyndaýǵa qosqan úlesi úshin alǵys aıtyp, aýrýhananyń University Medical Center korporatıvtik qorymen yntymaqtastyǵyn atap ótti.
Sóziniń sońynda vıse-prezıdent qatysýshylarǵa jemisti jumys pen mazmundy pikirtalas tiledi.