Sabaqtyń taqyryby: «Erte orta ǵasyrlardaǵy memleketter (VI – IX ǵ)»
Sabaqtyń maqsaty: Erte orta ǵasyrlardaǵy memleketter týraly alǵan bilimderin tekserý.
Mindetteri:
Bilimdilik: Oqýshylardyń Qazaqstan jerinde ómir súrgen erte orta ǵasyrlardaǵy memleketter týraly alǵan bilimderin paıdalana otyryp sózdik qorlaryn tolyqtyrý, aýyz eki tilde jetkizýin qalyptastyrý.
Damytýshylyq: Oqýshynyń aldynǵy ótken sabaqtardy qaıtalaı kelip, tilderin, oı - óristerin, durys sóıleý daǵdylaryn qabiletterin damytý.
Tárbıelilik: Erte orta ǵasyrlardaǵy memleketterdiń tarıhymen tanystyra otyryp, oqýshylardy elin, jerin súıýge, otanshyldyqqa, adamgershilikke tárbıeleý.
Sabaqtyń túri: jarys sabaq.
Sabaqtyń ádisi: oıyn.
Sabaqtyń kórnekiligi: karta, sózjumbaqtar, kesteler, konvertter, plakat:
Erte orta ǵasyrlardaǵy memleketter, taqyryptyq slaıd - sýretter.
Sabaq barysy:
Uıymdastyrý kezeńi.
Oıyn bólimderi jáne toptarmen tanystyrý.
Qamtylatyn bólimder:
İ. Báıge
İİ. Kim shapshań?
İİİ. Kim tapqyr?
İV. Sheshendik

İ. bólim. Báıge
Oıynnyń sharty: Bergen suraqtarǵa tez jaýap berý. Durys jaýapqa 10 upaı.
Suraqtary:
1 - topqa:
1. Túrik Qaǵanaty qashan quryldy? (552j)
2. Sulý qaǵan ordany qaı qalaǵa kóshirdi? (Talasqa)
3. Túrik qoǵamynda tat dep kimdi aıtqan? (Quldy)
4. Tarıhshy Ál – Marvazıdiń habaryna qaraǵanda qarluqtardyń quramynda qansha taıpadan turǵan? (9)
5. Oǵyz memleketiniń ortalyǵy qaı qala boldy? (Iangıkent)

2 - topqa:
1. «Túrik» sózi alǵashqy ret qaı jyly qaı derekte kezdesedi? (542 j. Qytaı derekterde)
2. Oǵyzdarda joǵarǵy bılik ıesi qalaı ataldy? (Jabǵý)
3. Qarluq qaǵanatynyń ortalyǵy qaı qala boldy? (Sýıab qalasy)
4. Qımaqtardyń sharýashylyǵy týraly jazǵan orta ǵasyrlyq ǵalym?
(Parsy tarıhshysy Gardızı)
1. Túrkesh qaǵanaty qashan quryldy? (704j)

İİ. Bólim. Kim shapshań
Oıynnyń sharty: Shapshańdyqpen keste toltyrý. Durys jaýapqa – 10 upaı.

İİİ. Bólim. Kim tapqyr
Oıynnyń sharty: Sózjumbaqtar sheshý. Durys jaýapqa – 20 upaı.
1 - topqa
704 - 756 j. j bılik qurǵan qaǵanat.
VI - VIII ǵ. ǵ. túrik taıpalary qoldanǵan jazý.
Oǵyz memleketi bıleýshisiniń murageri.
Oǵyz memleketiniń áskerbasy.
VIII ǵ. Kóne túrik eskertkishi.
Túrki tildes taıpa.
Bılik ıeleri ókilderinen qurylǵan keńesshi uıym.

2 - topqa
1. Shyǵysta Altaıdan bastap, batysqa Kaspı teńizine deıingi aralyqta alyp jatqan qaǵanat.
2. Túrkesh qaǵanatynyń kishi ordasynyń ortalyǵy.
3. Babalar qurmetine qabir basyna qoıylatyn músin tas.
4. VIII ǵ. Túrki taıpalardyń kóne tas jazýy.
5. Taıpa, kóptegen túrki tildes taıpalardyń ortaq ataýy.
6. Batys túrik qaǵanatynda 610 - 618 j. j bılegen qaǵanat.
7. Túrki tildes taıpa.
8. Túrik qaǵanattyń negizin salýshy.

İV - bólim. Sheshendik.
Oıynnyń sharty: Eki topqa taqyrypqa baılanysty suraqqa jaýap berý.
Oqýshylardyń oı – pikirin tyńdaý. Durys jaýapqa 30 upaı.
Suraq: Sol kezeńde sen qaǵan bolsań ne ister ediń?
Qandaı saıasattar júrgizer ediń?
Oıyn sońynan jeńimpaz toby marapattalady.

Baǵalaý. Oqýshylar baǵalaý paraǵy boıynsha baǵalanady.
Úıge tapsyrma berý
* Erte orta ǵasyrlardaǵy memleketterge mánjazba jazyp kelý;
* Taqyryptyq salystyrmaly, balamaly, ashyq, jabyq testter qurý.