- 28 sáý. 2015 00:00
- 336
Erteńgi sáýleler
(Orysshadan)
Kókte júzip jaryq kún,
Nuryn shasha bastady.
Oıansyn dep jer júzi,
Altyn sáýle tastady.
Birinshi sáýle ushty da,
Boztorǵaıdy oıatty.
Seskenip, sasyp torǵaıyń,
Jalmań qaqty qanatty.
Kóterilip aspanǵa,
Kóktem jyryn jyrlady:
(Kiristi iske shattyqpen,
Jalqaýlanyp turmady)
«Qandaı jaqsy erteńgi
Saf aýada demalý,
Taza, jaqsy aýadan
Bul denege em alý!»
Ekinshi sáýle ushty da,
Baryp tústi qoıanǵa.
Shattyqpenen sekirdi
Seksıtip qulaq qoıan da.
Shyqty shópke sekirip,
Erteńgi tamaq izdedi.
Jumsaq, tátti suly shóp
Kóp ishinen kózdedi.
Úshinshi sáýle taýyqtyń
Uıasyna dál tústi.
«Kýkareký» dep átesh te,
Qaqty qanat, silkidi ústi.
Taýyqtar ushyp uıadan,
Qyt-qytqa basyp, shóp-shardy
Aralap, izdep bir tynbaı
Arasynan kurttardy.
Tórtinshi sáýle aranyń
Uıasyna tústi dál.
Balaýyzdy uıadan
Shyqty jımaq bolyp bal.
Terezege otyrdy,
Qanatyn túzep ońtaılap.
Zum-zum ushty, jóneldi,
Bal jıamyn dep oılap.
Iisi jaqsy shópterden
Erinbeı-talmaı bal jıar.
Óleńin aıtyp kúńirenip,
Jibekteı shópte hal jıar.
Besinshi sáýle tup-týra
Túsken eken balaǵa -
Eńbeksiz, jalqaý, erinshek,
İsten qashqan shalaǵa.
Ótkir sáýle kózine
Oıatam dep tússe de,
Aınalǵan, jatqan, uıyqtaǵan,
Habarsyz, dúnıe kóshse de.
Oılap tursań, minekı,
Dál osyndaı bizdiń jaı.
Sáýlesine bilimniń
Basqa jurt ashqan kózin-aı.
Ónerlikpen kókke asqan
Kóre almadyq azyn-aı.
Jamyldyq, jattyq, uıyqtadyq,
Keldik óler kezine-aı!
Kókte júzip jaryq kún,
Nuryn shasha bastady.
Oıansyn dep jer júzi,
Altyn sáýle tastady.
Birinshi sáýle ushty da,
Boztorǵaıdy oıatty.
Seskenip, sasyp torǵaıyń,
Jalmań qaqty qanatty.
Kóterilip aspanǵa,
Kóktem jyryn jyrlady:
(Kiristi iske shattyqpen,
Jalqaýlanyp turmady)
«Qandaı jaqsy erteńgi
Saf aýada demalý,
Taza, jaqsy aýadan
Bul denege em alý!»
Ekinshi sáýle ushty da,
Baryp tústi qoıanǵa.
Shattyqpenen sekirdi
Seksıtip qulaq qoıan da.
Shyqty shópke sekirip,
Erteńgi tamaq izdedi.
Jumsaq, tátti suly shóp
Kóp ishinen kózdedi.
Úshinshi sáýle taýyqtyń
Uıasyna dál tústi.
«Kýkareký» dep átesh te,
Qaqty qanat, silkidi ústi.
Taýyqtar ushyp uıadan,
Qyt-qytqa basyp, shóp-shardy
Aralap, izdep bir tynbaı
Arasynan kurttardy.
Tórtinshi sáýle aranyń
Uıasyna tústi dál.
Balaýyzdy uıadan
Shyqty jımaq bolyp bal.
Terezege otyrdy,
Qanatyn túzep ońtaılap.
Zum-zum ushty, jóneldi,
Bal jıamyn dep oılap.
Iisi jaqsy shópterden
Erinbeı-talmaı bal jıar.
Óleńin aıtyp kúńirenip,
Jibekteı shópte hal jıar.
Besinshi sáýle tup-týra
Túsken eken balaǵa -
Eńbeksiz, jalqaý, erinshek,
İsten qashqan shalaǵa.
Ótkir sáýle kózine
Oıatam dep tússe de,
Aınalǵan, jatqan, uıyqtaǵan,
Habarsyz, dúnıe kóshse de.
Oılap tursań, minekı,
Dál osyndaı bizdiń jaı.
Sáýlesine bilimniń
Basqa jurt ashqan kózin-aı.
Ónerlikpen kókke asqan
Kóre almadyq azyn-aı.
Jamyldyq, jattyq, uıyqtadyq,
Keldik óler kezine-aı!