Qazaqstan Respýblıkasy Úkimetiniń qaýlysymen Erjan Erboluly Ertaev Qazaqstan Respýblıkasy energetıka vıse-mınıstri qyzmetine taǵaıyndaldy. Bul týraly infohub.kz saıty habarlaıdy.
Úkimettiń baspasóz qyzmeti naqtylaǵandaı, Erjan Ertaev 1985 jyly Pavlodar oblysynda dúnıege kelgen. Ol Inovasıalyq Eýrazıa ýnıversıtetin, sondaı-aq Anhalt qoldanbaly ǵylymdar ýnıversıtetin bitirgen.
Eńbek jolyn 2009 jyly jeke qurylymda elektromehanık bolyp bastady. 2009–2013 jyldary Pavlodar oblysy energetıka jáne turǵyn úı-kommýnaldyq sharýashylyq basqarmasynyń energetıka bóliminde jetekshi maman, bas maman qyzmetterin atqardy.
2013–2014 jyldary Indýstrıa jáne jańa tehnologıalar mınıstrliginiń Memlekettik energetıkalyq qadaǵalaý jáne baqylaý komıtetinde bas sarapshy, basqarma basshysy laýazymdaryn ıelendi.
2015–2018 jyldary Qazaqstan Respýblıkasy Energetıka mınıstrliginiń Aqmola jáne Qaraǵandy oblystary boıynsha aýmaqtyq departamentterin basqardy.
2018–2020 jyldary Qazaqstan Respýblıkasy Energetıka mınıstrligi komıteti tóraǵasynyń orynbasary boldy.
2020–2021 jyldary Pavlodar oblysy energetıka jáne turǵyn úı-kommýnaldyq sharýashylyq basqarmasyn basqardy.
2021–2022 jyldary «Samuryq-Energo» basqarma tóraǵasy apparatynyń basshysy qyzmetin atqardy.
2022–2023 jyldary «Bolat Nurjanov atyndaǵy Ekibastuz GRES-1» jaýapkershiligi shekteýli seriktestiginiń bas dırektory boldy.
2023–2024 jyldary Energetıka mınıstrliginiń Atomdyq jáne energetıkalyq qadaǵalaý jáne baqylaý komıteti tóraǵasynyń orynbasary qyzmetinde boldy.
2024 jyldyń shildesinen bastap osy ýaqytqa deıin Qazaqstan Respýblıkasy Energetıka mınıstrliginiń Memlekettik energetıkalyq qadaǵalaý jáne baqylaý komıtetiniń tóraǵasy qyzmetin atqardy.