Esse
Meniń qyzyǵýshylyqtarym
Aqyl - oıǵa jaqqan bilim shyraǵyn,
Ustaz - dana ulaǵatty muǵalim.
Shákirtiniń sanasyna nur quıǵan,
Men ustazdyń ulylyǵyn uǵamyn – degendeı qazirgi kezde mektepte jas urpaq tárbıesi, onyń jeke tulǵasynyń jańasha qalyptasýy, áleýmettik dúnıege kózqarasy aldymen muǵalimge baılanysty. Qazirgi zaman muǵaliminen óz pániniń tereń bilgiri bolýymen qatar, tarıhı, tanymdyq, pedagogıkalyq - psıhologıalyq, bilimdilik jáne aqparattyq saýattylyq talap etilýde.

Árıne, ustaz bolý, shákirt tárbıeleý – ekiniń birine buıyra bermeıtin qasıet. Meniń ustazdyq mamandyǵyn tańdaýdaǵy basty maqsatym – tárbıe men bilim berýde, jan - jaqty adamgershiligi mol, deni saý, ultjandy azamat tárbıeleý. Abaı atamyz aıtqandaı “adamnyń adamshylyǵy – jaqsy ustazdan bastalady”. Men de osyndaı bolǵym keledi...

Ustazdyq – uly qurmet. Shákirtterimdi bilim nárimen sýsyndatyp, tálim – tárbıe berý, jaqsy qasıetterdi oqýshylardyń boıyna darytyp, adamgershilik rýhta baǵyt – baǵdar berý – meniń eń basty mindetterim dep sanaımyn. Muǵalim – uly tulǵa. Osy sózde qanshama uǵym, maǵyna bar. Ustaz bolý júrek jylylyǵyn, meıirim shýaǵyn balanyń boıyna darytý dep bilemin. Men osy az ǵana ustazdyq qyzmetimde tek muǵalim ǵana emes, ana, kelin, áriptes, jas maman retinde áriptesterimniń is - tájirıbesin úırenýden jalyqpaı, ustazdarymnyń bergen aqyl - keńesin, úlgi - ónegesin qashanda bıik ustap, úlgi tutamyn.

Men óz bilimimdi shyńdaý maqsatynda bilim salasynda bolyp jatqan jańalyqtarmen tanysyp otyramyn. Sabaq berýde jańa pedagogıkalyq tehnologıalardyń ádis - tásilderin qoldanamyn. Qazirgi zaman talabyna saı jas urpaqqa sapaly bilim berýde elektrondy oqytý, qashyqtyqtan bilim alý tehnologıalaryn basshylyqqa ala otyryp, balanyń oqýǵa degen qushtarlyǵyn oıatý arqyly oqýshynyń óz betinshe jumys isteýin qadaǵalaımyn.

Bolashaqta urpaqtarymyzdyń sapaly bilim, sanaly tárbıe alýyna, halqymyzdyń adal uly men qyzdary bolýlary úshin bar ýaqytymdy aıamaı, tálimger ustazdarymnyń isin jalǵastyrýda shákirtterimniń bıik shyńnan kórinýi úshin aıanbaı eńbek etemin dep senim bildiremin.