Saýda jáne ónerkásip mınıstri Arman Shaqqalıev úkimettegi brıfıńte Qazaqstandaǵy et baǵasynyń ósý sebepterin túsindirdi, dep habarlaıdy infohub.kz saıty.
Brıfıń barysynda jýrnalıser ettiń qaıtadan aıtarlyqtaı qymbattaǵanyn kórsetetin statısıkalyq derekterdi keltirdi. BAQ málimetinshe, bir jyl ishinde eń qymbattaǵan ónim qoı eti boldy, onyń ortasha baǵasy 27,7%-ǵa ósken. Sıyr eti, tartylǵan et jáne taýyqtyń jambas bóligi de aıtarlyqtaı qymbattaǵan. Baspasóz ókilderi mundaı ósýdiń sebebi nede ekenin surady.
«Iá, shynymen de, et ónimderi boıynsha dınamıkany kórip otyrmyz. Qazirgi ýaqytta baǵa dınamıkasyn alsaq, ol qalypty, ósim baıqalady, biraq qalypty ósim. Eń bastysy – et satylymda bar. Mysaly, baǵany biz ótken demalys kúnderi naryqta baqyladyq – 1 kg úshin 3 700 teńge. Bul súıekti sıyr eti, saýda jelilerinde sál joǵaryraq», – dedi Arman Shaqqalıev.
Baǵanyń ósýin ol etke degen joǵary suranyspen baılanystyrdy. Onyń aıtýynsha, álemniń kóptegen elderinde sıyr etin tutyný aıtarlyqtaı artqan. «Biz jahandyq prosesterdiń ajyramas bóligimiz, sondyqtan, mysaly, Ózbekstanda ósim bolsa, suranys joǵary bolsa, árıne, bizdiń bıznes tańdaıdy. Parsy shyǵanaǵyndaǵy belgili oqıǵalar qoı eti baǵasynyń qubylmalylyǵyna áser etti. Biraq taǵy da atap ótkim keledi, qazirgi ýaqytta biz kúrt ósýdi baıqamaımyz. Baǵa, ıá, ózgeredi, biraq jalpy turaqty, jáne mal sharýashylyǵy ónimderin jetkizýde qazirgi ýaqytta úzilister joq», – dedi mınıstr.