Tanymal keńes jáne reseılik ázilkesh Evgenı Petrosán 16 qyrkúıekte 81 jasqa toldy. Ártis áleýmettik jelide jankúıerlerimen jáne áriptesterimen baılanysqa shyǵyp, quttyqtaýlary úshin alǵys aıtty, dep habarlaıdy infohub.kz saıty.
«Men kóptegen quttyqtaýlar aldym. Telefon kúni boıy tynymsyz shyryldady. Hattar, túrli pikirler, jaqsylyq tilekter keldi. Bizdiń aramyzdaǵy osyndaı ózara túsinistikke, jan jylýyna qýanyshtymyn. Kóptegen quttyqtaýlaryńyz úshin kóp rahmet — maǵan ár jaqtan myńdaǵan quttyqtaý keldi. Tipti jaqyndarym tort pisiripti. Odan qalǵany osy, kóp rahmet, tilek tileımin, biz uzaq-uzaq baılanysta, ózara túsinistikte bolaıyq», — dedi ol.
Jankúıerler de qaryzdar bolmaı, jelide kóptegen jyly lebizder qaldyrdy. «Týǵan kúnińizben! Qazaqstannan sálem. Sizge uzaq jyldarǵa kúsh pen baqyt tileımin», «Men sizdi qatty jaqsy kóremin! Siz baqytty adamsyz! Sizdiń otbasyńyz qandaı! Mahabbatyńyz qandaı! Siz sondaı meıirimdi, talantty, keremet adamsyz! Densaýlyq pen qýat tileımin», «Týǵan kúnińizben, bizdiń súıikti, qymbatty, derlik týysqan Evgenı Vaganovıch! Armandaryńyz oryndalsyn!» — dep jazdy olar.
Qarsańynda Petrosánnyń jas áıeli kúıeýin 81 jasqa tolýymen quttyqtap, jyly otbasylyq sýret jarıalady.