Eýropada 2026 jyly bolǵan anomaldy ystyq 25 myńnan astam adamnyń qazasyna sebep boldy, dep habarlaıdy infohub.kz.
Bloomberg agenttiginiń ulttyq vedomstvolardyń derekterine súıengen málimetinshe, qurbandar sany 25 myńnan asty. Degenmen, naqty artyq ólim kórsetkishteri odan da joǵary bolýy múmkin, sebebi resmı statısıka tolassyz jalǵasqan tym joǵary temperatýra tolqyndaryna baılanysty keshigip keledi.
Qurbandar sany boıynsha Germanıa kósh bastap tur: Robert Koh ınstıtýty (RKI) sáýir aıynan beri eldegi artyq ólimdi shamamen 11 900 adam dep baǵalap otyr, onyń 9 000-nan astamy sońǵy bir aı ishinde qaıtys bolǵan.
Ispanıa, Fransıa, Ulybrıtanıa, Shveısarıa jáne Nıderlandta da ólim kórsetkishteri joǵary. Kelesi aptada keıbir aımaqtarda ystyq odan ári kúsheıedi dep kútilýde: Londonda shamamen 34 gradýs, Parıjde 38 gradýsqa jýyq boljanyp otyr.
Aldyńǵy kúni Slovakıa, Avstrıa jáne Vengrıada temperatýra rekordtary tirkeldi: aýa 41-42 gradýsqa deıin qyzdy.
Eýropada qaza tapqandardyń 80 paıyzdan astamy — 75 jastan asqan qart adamdar.
Eýropalyq qorshaǵan orta agenttiginiń sarapshylary onjyldyqtyń sońyna qaraı ystyqtyń Eýropaǵa tıgizetin ekonomıkalyq shyǵynyn €800 mlrd dep baǵalap otyr.
Buǵan deıin «Kýrsıv» Eýropadaǵy ystyq bir apta ishinde 12 myńnan astam adamnyń ólimine sebep bolýy múmkin ekenin habarlaǵan.