InfoHub Logo

Klıv Gıffordtyń  «Eye Benders: The Science of Seeing and Believing» kitabynan alynǵan keıbir ıllúzıalar tómende keltirilgen.

Keıbir kózben kórinetin ıllúzıalar kózdiń jumys isteýine baılanysty, biraq kóbisi mıǵa kelip túsken sıgnaldardy óńdeýine baılanysty bolyp keledi.

Bul sýretke muqıat qarasańyz japyraqtar qozǵalyp jatqan sıaqty bolyp kórinedi.

Bul qozǵalmaı turǵan dıskterge muqıat qarasańyz sizge olar qozǵalyp jatqandaı bolady. Al eger kez kelgen bir dısktiń sentrine qarap tursańyz jalǵan qozǵalys toqtaıdy. Sýretke qaraǵanda kózderińiz kishkentaı bólshekterdi toǵystyrmaqshy bolady, sonyń saldarynan «qozǵalys» effekti týyndaıdy.

Mı tańǵajaıyp túrde tolyq emes derekterdegi bostyqtardy tolyqtyryp, shablondardy taba alady. Sonymen qosa osyndaı «múmkin emes» sýretterdi qabyldaı alady. Fonnan pildiń aıaǵyn bólý óte qıyn.

Kýbtyń qyrlarynda qansha túrli tús bar? Eger siz jeti tústi tapsańyz (aq, sary, kók, qyzyl, jasyl, qońyr jáne qyzǵylt sary) onda siz kóptegen adamdar sıaqty qatelestińiz. Negizinde ol jerde tek alty tús bar. Ústińgi qyrdyń ortasyndaǵy bólsheginiń (qońyr bolyp kórinip turǵan) túsi, aldyńǵy qyrdyń ortasyndaǵy bólsheginiń (qyzǵylt sary bolyp kórinip turǵan) túsimen birdeı. Sený múmkin emes, alaıda eki tesigi bar qaǵaz arqyly nemese fotoshop arqyly tekserýińizge bolady.

Eki ústeldiń qaısy uzynyraq dep oılaısyz? Múmkin olardyń uzyndyqtary birdeı shyǵar? Ólshep kórińiz tań qalasyz.

Kýbty kórip tursyz ba? Olaı bolsa, ol jerde kýb joq. Keıde bizdiń mıymyz tanys pishin tabýda, sýretke maǵyna bermekshi bolǵan kezderinde shamadan tys ketedi. Mıymyz tús jáne tekstýra ózgermegen jerlerge qabyrǵalardy qosady.

Sizdiń oıyńyzsha qyzǵylt sary sheńberlerdiń qaısy úlken? Oń jaqtaǵy úlken bolyp kóringenimen ekeýi birdeı. Ádette mıymyz zattardyń ólshemin salystyrǵanda, olarǵa deıingi qashyqtyqty anyqtaǵanda shataspaıdy. Biraq mıdy aldaýǵa bolady.

Torǵa uzaq qarasańyz, kvadrattardyń buryshtarynda sur sheńberlerdiń paıda bolǵanyn baıqaısyz. Biraq olarǵa nazar aýdarsańyz olar joq bolady. Bul perıferıalyq kórý. Osylaısha, sýret arqyly yntalandyrý kezinde sıgnal shyǵaratyn neırondar, basqa neırondardyń sıgnaldaryn kepteıdi.

Fon jáne ortaǵa baılanysty tústi qabyldaýdyń buzylýyna taǵy bir mysal. Sýrettegi qyzyl jáne qyzǵylt pıkseldi syzyqtar negizinde qyzyl reńkti pıkselderden turady.

---