Soltústik Amerıkanyń áýe-ǵarysh qorǵanys qolbasshylyǵy (NORAD) Bedmınster ústinde birneshe jeńil azamattyq ushaqtyń ustalǵanyn habarlady, dep habarlaıdy infohub.kz saıty.
Vedomstvo bul týraly áleýmettik jeli X-te málimdedi. Azamattyq ushaqtar F-16 ıstrebıtelderimen ustalǵany aıtylady. Olar Nú-Djersı shtatyndaǵy Bedmınster aýdanynda ýaqytsha ushý shekteýlerin buzǵan.
«Barlyq áýe kemeleri shekteý aımaǵynan qaýipsiz shyǵarylyp, NORAD ushaqtarymen súıemeldendi», — delingen málimdemede.
Fox News dereginshe, oqıǵa Bedmınster aspanynda bolǵan, onda prezıdent Donald Tramp demalys kúnderin óziniń gólf-klýbynda ótkizip júrgen. Basylymnyń jazýynsha, aldymen F-16 ıstrebıtelderi eki jeńil ushaqty ustaǵan. Keıin úshinshi ushaq ta Tramp aımaqtan ketýge daıyndalyp jatqanda dabyl týdyrǵany rastaldy. Bul Aq úıdiń basshysynyń ushýyn keshiktirýi múmkin edi.
Oqıǵa ornynda jedel qyzmet kólikteri, quqyq qorǵaý organdarynyń qyzmetkerleri jáne óz oryndaryn alǵan AQSh Qupıa qyzmetiniń agentteri baıqalǵany aıtylady.