Halyqaralyq fýtbol federasıasy (FIFA) Ispanıa quramasynyń álem chempıonatyndaǵy jeńisin toılaý sýretterinen AQSh prezıdenti Donald Trampty alyp tastady, dep habarlaıdy infohub.kz saıty.
FIFA Ispanıanyń Argentınany jeńýine oraı áleýmettik jeli X-te jarıalanǵan sýretterden prezıdent Donald Tramp pen FIFA prezıdenti Djannı Infantınony alyp tastady. Tramp jeńimpaz komandaǵa kýbok tabys etilgennen keıin sahnada kidirip qalǵan edi.
Tramp Infantınomen birge Álem kýbogyn Ispanıa quramasynyń kapıtany Rodrıge tapsyrǵan kezde, ol tuǵyrdan ketýdi oılamady. Ispanıalyqtar kýbokty bastarynan joǵary kótergenshe, Tramp kadrda qala berdi. Amerıkandyq kóshbasshy tek Infantıno janyna kelip, ekeýi birge chempıondyq tuǵyrdy tastap ketken soń ǵana ketti.
FIFA paraqshasynda tik formattaǵy sýret jarıalandy, onda AQSh prezıdenti «kesilip» qalǵan.
Esterińizge sala keteıik, 2026 jylǵy álem chempıonatynyń fınaly Amerıkanyń Ist-Raterford qalasynda ótip, ıspandyqtar argentınalyqtardy 1:0 esebimen jeńdi. Sheshýshi goldy qosymsha ýaqyttyń 106-mınýtynda Ferran Torres soqty.
Ispanıa quramasynyń fýtbolshylary 2026 jylǵy álem chempıonatyndaǵy jeńisi úshin kýbokpen marapattaldy. Saltanatty rásimge Donald Tramp qatysty.
Buǵan deıin Tramp pen Infantınony fınal kezinde jankúıerler ysqyryqpen qarsy alǵany, al Argentına quramasynyń qorǵaýshysy Krıstıan Romero marapattaý rásiminde AQSh prezıdentimen qol alyspaǵany habarlanǵan bolatyn.