AQSH-tyń Florıda shtatynda polısıa 25 jastaǵy er adamdy ustady. Ol qonaqúı bólmesine zańsyz kirip, uıyqtap jatqan juptyń tóseginiń astynda túni boıy tyǵylǵan, dep habarlaıdy infohub.kz saıty.
Oqıǵa Doral qalasyndaǵy Provident Doral qonaqúıinde bolǵan. Jup bólmege ornalasyp, artqy jyljymaly shyny esiktiń jalúzıin jaýyp, uıyqtaýǵa jatty. Túnde áıel tósek mańyndaǵy birtúrli qozǵalystan birneshe ret oıanyp, alaıda oǵan mán bermegen. Tańǵy 7:30 shamasynda keter aldynda tósek astyn tekserip, ol sonda beıtanys adamdy baıqaǵan.
Polıseıler anyqtaǵandaı, Rıchel Kalver esimdi qylmysker bólmege balkon qorshaýynan asyp kirgen. Ol jyljymaly esik arqyly baıqatpaı ishke kirip, juptyń tóseginiń astynda túni boıy jatqan. Buǵan deıin kúdikti osy qonaqúıde turǵany, biraq shyǵarylǵannan keıin menedjment oǵan aýmaqqa qaıta kelmeýdi ótingeni belgili.
Quqyq qorǵaý organdarynyń qyzmetkerleri er adamdy tósek astynan taýyp, qamaýǵa aldy. Kalverge adamdar turǵan turǵyn úı-jaıǵa urlyq úshin kirgeni jáne polısıa qyzmetkerine kúsh qoldanbaı qarsylyq kórsetkeni boıynsha aıyp taǵyldy. Qazir ustalǵan adam túzeý ortalyǵynda otyr.