FlyArystan áýekompanıasy Aqtaý-Stambýl baǵytyndaǵy tikeleı reısterdi qaıta bastaıdy. Ushýlar osy kúzde qaıta jandanady, al bıletter tasymaldaýshynyń resmı saıtynda jáne mobıldi qosymshasynda qazirdiń ózinde satylymda, dep habarlaıdy infohub.kz saıty.
Áýekompanıanyń baspasóz qyzmetinde atap ótkendeı, alǵashqy reıs 2026 jyldyń 22 qazanyna josparlanǵan. 27 qazannan bastap ushýlar turaqty túrde aptasyna eki ret — seısenbi jáne senbi kúnderi oryndalady.
«Turaqty keste aıasynda seısenbi kúni Aqtaýdan ushý 08.40-qa josparlanǵan, Stambulǵa qoný 10.35-te. Keri reıs Stambuldan 11.40-ta ushyp, Aqtaýǵa 17.05-te jetedi. Senbi kúni Aqtaýdan reıs 08.35-te oryndalady, Stambulǵa qoný 10.30-da. Keri ushý Stambuldan 11.15-ke josparlanǵan, Aqtaýǵa qoný — jergilikti ýaqyt boıynsha 16.40-ta», — delingen habarlamada.
Bılet quny bir baǵytqa 36 054 teńgeden bastalady.
Qazirgi ýaqytta Aqtaýdan FlyArystan ushaqtarymen Dýbaıǵa, Bakýge, Kýtaısıge, Batýmıge jáne Úrimshige aralyq qonýsyz ushýǵa bolady.
Buǵan deıin «Kýrsıv» Almaty halyqaralyq áýejaıynda FlyArystan áýekompanıasynyń áýe kemesinde óndiristik oqıǵa bolǵanyn habarlaǵan bolatyn. Josparly tehnıkalyq jumystar kezinde ushaq bortynda órt shyqqan.