Dýbaıdan Tel-Avıvke ushyp bara jatqan FlyDubai áýekompanıasynyń ushaǵynda jolaýshy retinde otyrǵan eki ushqysh — Reseı men Ýkraına azamattary — qaýip sıgnaly berilgen soń áýe kemesin basqarýdy óz qoldaryna alyp, apattan aman saqtap qaldy. Bul týraly infohub.kz saıty habarlaıdy.
Saýd Arabıasyndaǵy Tabýk áýejaıynyń ákimshiligi qonǵannan keıin qutqarýshylar reıstiń zardap shekken eki ushqyshyn jergilikti aýrýhanaǵa jetkizgenin rastady. Áýede laınerdi basqarýdy qyzmet basynda bolmaǵan eki ekıpaj múshesi — reseılik jáne ýkraınalyq ushqyshtar — qolǵa aldy. Olar jolaýshy retinde ushyp kele jatqan, alaıda qaýipti joıyp, ushaqtyń Saýd Arabıasyna qaýipsiz qonýyn qamtamasyz ete aldy.
Izraıl kólik mınıstri Mırı Regev eldiń avıasıalyq bıligine Flydubai kompanıasynyń Izraılge barlyq reısin toqtata turýdy tapsyrdy. Ol sondaı-aq FlyDubai kompanıasy Izraıl men BAÁ arasyndaǵy avıasıa salasyndaǵy kelisimderdi buzǵanyn tekserý qajettigin málimdedi. Ol kelisimder boıynsha ushaq ekıpajdary Izraılmen resmı dıplomatıalyq qatynastaǵy elderdiń pasporttaryn ıelenýi tıis.
Tergeý ekinshi ushqyshtyń Oman azamattyǵy bolýyna — Izraılmen dıplomatıalyq qatynasy joq elge — basa nazar aýdarady.
Izraıl Áskerı-áýe kúshteriniń ıstrebıtelderi ushaqqa qaraı kóterildi. Keıin áýe kemesiniń Saýd Arabıasyna qonǵany belgili boldy. Sodan soń Flydubai kompanıasy ızraıldik telearnaǵa Dýbaı — Tel-Avıv reısinde ushqyshtar arasynda tóbeles bolǵanyn habarlady.
Kóp uzamaı ushaqtan alǵashqy foto men vıdeo paıda boldy. Sýrette shabýyldaýshymen kúreskeni boljamdalǵan jolaýshy beınelengen. Bılik ushqyshtardyń biri ushaqty ádeıi qulatpaq bolǵan degen nusqany tekserýde. Onyń áreketin ekinshi ushqysh pen onymen kúreske túsken ızraıldik jolaýshylar toqtatyp, apattyń aldyn aldy dep boljanady.
Sondaı-aq ushaq ushqyshtarynyń azamattyǵy týraly taǵy bir nusqa aıtyldy. Reseı men Ýkraına azamattyǵy týraly nusqadan keıin ushqyshtardyń Oman men BAÁ azamattyǵy bar degen derekter shyqty.
Odan ári ushqyshtardyń biri shabýyldan keıin pyshaq jaraqatynan kóz jumýy múmkin degen aqparat tarady.