Ǵalymdar júktilikti josparlaý kezeńinde folı qyshqylyn qabyldaý balalardyń qurbylarymen qarym-qatynasynda problemalardyń týyndaý qaýpin aıtarlyqtaı tómendetetinin anyqtady. European Journal of Nutrition jýrnalynda jarıalanǵan zertteý derekterine sáıkes, mundaı qıyndyqtardyń salystyrmaly qaýpi 34 paıyzǵa azaıady, dep habarlaıdy infohub.kz.
Avstralıalyq Núkasl ýnıversıtetiniń mamandary 563 anadan týǵan 646 balanyń derekterin taldady. Bul analar áıelder densaýlyǵy boıynsha iri prospektıvti zertteýge qatysqan. 2 men 8 jas aralyǵyndaǵy balalardyń emosıonaldyq jaǵdaıy men minez-qulyq erekshelikterin baǵalaý úshin analar psıhıkalyq damýdyń bes negizgi salasyn qamtıtyn Strengths and Difficulties Questionnaire (SDQ) saýalnamasyn toltyrdy.
Nátıjeler kórsetkendeı, júkti bolǵanǵa deıin folı qyshqylyn qabyldaǵan áıelderdiń balalarynda qurbylarymen qarym-qatynas problemalarynyń qaýpi qospany qoldanbaǵandarmen salystyrǵanda 34%-ǵa tómen bolǵan. Qorǵanys áseri ul balalarda, sondaı-aq 2-3 jas aralyǵyndaǵy balalarda aıqynyraq baıqaldy. Sonymen qatar, zertteýshiler júktilikke deıin vıtamın qabyldaý men gıperaktıvtilik, emosıonaldyq buzylýlar nemese minez-qulyq problemalary arasynda statısıkalyq mańyzdy baılanys tappady.
Jumys avtorlary folı qyshqyly uryqtyń júıke júıesiniń qalyptasýy kezinde DNQ metıldený prosesterinde jáne totyǵý stressin tómendetýde mańyzdy ról atqaratynyn atap ótedi. Degenmen, olar vıtamınderdi qabyldaý kóbinese áıelderdiń ómir saltyndaǵy basqa ózgeristermen, sonyń ishinde аlkogólden bas tartý jáne kókónisterdi tutynýdy arttyrýmen qatar júretinin de atap ótedi. Zertteý qatysýshylardyń ózin-ózi baǵalaýyna negizdelgendikten, ǵalymdar anyqtalǵan mehanızmderdi rastaý úshin aýqymdy klınıkalyq baqylaýlar júrgizýge shaqyrady.