Fransıanyń soltústik-batysyndaǵy Teńiz Sena departamentinde jolaýshylar poıyzy relsten shyǵyp, 44 adam zardap shekti, bir adam aýyr jaraqat aldy, dep habarlaıdy infohub.kz saıty.
NUR.KZ agenttigi Anadolu-ǵa silteme jasap habarlaǵandaı, bul týraly Fransıa kólik mınıstri Fılıpp Tabaro áleýmettik jelidegi X paraqshasynda málimdedi. Vedomstvo basshysy Rýan — Kan baǵytyndaǵy poıyz Kleon komýnasynda relsten shyǵyp ketkenin aıtty.
Tabaronyń aıtýynsha, zardap shekkender men poıyz jolaýshylaryna kómek kórsetý úshin oqıǵa ornyna 140 órt sóndirýshi jiberilgen. Poıyzda barlyǵy 180 jolaýshy bolǵan.
Mınıstr ahýaldy muqıat qadaǵalap otyrǵanyn atap ótti, alaıda oqıǵanyń sebepterin habarlamady.
Fransýz buqaralyq aqparat quraldary habarlaǵandaı, poıyzdyń relsten shyǵýyna qatysty tergeý bastaldy. Rýan prokýratýrasynyń dereginshe, oqıǵa saldarynan 44 adam zardap shegip, bireýiniń jaǵdaıy aýyr dep baǵalanýda.