Fransıada birneshe kúnnen beri tynbaǵan oqý oryndary aldyndaǵy joǵary synyp oqýshylarynyń narazylyǵy kezinde bir jasóspirim aýyr jaraqat aldy, dep habarlaıdy infohub.kz saıty.
NUR.KZ RIA Novostıge silteme jasap habarlaǵandaı, basylym Pa-de-Kale departamentiniń prefekti Fransýa-Ksave Loshtyń fransýzdyq BFMTV telearnasy jarıalaǵan málimdemesin keltiredi. Lans qalasyndaǵy lıseılerdiń biriniń janyndaǵy narazylyq barysynda polıseılermen qaqtyǵys kezinde oqýshy qolynyń bir bóliginen aıyrylǵany habarlandy.
«Qoly úzilip ketken jas jigit Lıllge aýrýhanaǵa jatqyzyldy, onyń ómirine eshqandaı qaýip tónip turǵan joq», — dep habarlaıdy arna.
Zardap shekken lıseı oqýshysy 15 jasta. Oqýshynyń qolyn ózi kóterip alǵan polıseı granatasy úzip ketken bolýy múmkin dep boljanady.
Eske salaıyq, qyrkúıek aıynyń sońynda Fransıany joǵary synyp oqýshylarynyń narazylyǵy sharpydy — bir apta boıy oqýshylar oqý oryndaryn bógep jatyr. 600-den astam adamnyń ustalǵany habarlanǵan bolatyn.
Bı-bı-sıdiń orys qyzmeti tártipsizdikter barysynda 65 mektep qyzmetkeri, onyń ishinde 40 mektep dırektory jaraqat alǵanyn jazdy. Sonymen qatar jappaı narazylyq Belgıaǵa da tarady — aksıalar eldiń eki qalasynda ótti.