Fransıada joǵary synyp oqýshylarynyń narazylyǵy bir aptadan beri jalǵasyp jatyr: oqýshylar oqý oryndaryn bógep, sharalar tártipsizdikke, órt qoıýǵa jáne quqyq qorǵaý organdarynyń qyzmetkerlerimen qaqtyǵysqa ulasty. Fransıa İİM dereginshe, 160-tan astam adam ustaldy, dep habarlaıdy infohub.kz saıty.
NUR.KZ jergilikti BAQ-qa silteme jasaǵan RIA Novostıge silteme jasap habarlaýynsha, narazylyq 180-ge jýyq oqý ornynda ótken. Sharalar negizinen Parıj aımaǵyn qamtydy, sonymen qatar Lıll, Lıon, Grenobl jáne Nıssa sıaqty iri qalalarda da baıqaldy.
Joǵary synyp oqýshylary sabaq kestesiniń tym aýyrlyǵyna, muǵalimderdiń jetispeýine jáne bilim salasyndaǵy basqa da máselelerge narazylyq bildirýde.
Dúısenbide Fransıa İİM basshysy Loran Nýnes narazylyq sharalary barysynda elde 164 adam ustalǵanyn málimdedi.
Ol barlyǵy oqýshylar 27 mekemeni bógep tastaǵanyn, bul quqyq qorǵaý organdarynyń aralasýyn talap etkenin naqtylady. Sondaı-aq taǵy 50 mekteptiń kireberisin jabýǵa áreket jasaldy. Qalǵan mekemelerdiń mańynda túrli oqıǵalar tirkeldi, onyń ishinde zalal keltirý jáne polıseılerge shabýyl jasaý derekteri bar.
Aldyn ala derekter boıynsha, 12 polıseı, 8 oqytýshy, onyń ishinde 3 dırektor, jáne shamamen 12 oqýshy zardap shekti.