Fransıanyń ishki ister mınıstri Loran Nýnes eldegi orman órtteriniń aýmaǵy 115 myń gektarǵa jetip, burynǵy 98 myń gektarlyq rekordtan asyp túskenin habarlady. Bul týraly infohub.kz saıty málimdedi.
Bıylǵy jyly Fransıada anomaldy ystyq saldarynan iri orman órtteri oryn aldy. Prezıdent Emmanýel Makronnyń aıtýynsha, el Ekinshi dúnıejúzilik soǵystan beri eń kóp tabıǵı órtke tap bolǵan.
Buǵan deıin Fransıa bıligi ońtústik-batys jaǵalaýdaǵy Kap-Ferre múıisinen turǵyndardy tolyq evakýasıalaý týraly buıryq bergeni habarlanǵan bolatyn. Ondaǵan myń turǵyn men týrısiń qaýip-qaterge ushyraýy múmkin edi. İri órtter Ispanıany da sharpydy, al Makron basqa memleketterdiń basshylaryna kómek surap júgindi.