Fransıa prezıdenti Emmanýel Makron Saýd Arabıasyna fransýz áskerılerin jiberýge nıetti ekenin málimdedi. Olar munaı óńdeý zaýyty men shıki munaı Qyzyl teńizdegi Ianbý portyna qaraı aǵyzatyn qubyrdy qorǵaıdy, dep habarlaıdy infohub.kz saıty.
NUR.KZ RBK-ge silteme jasap habarlaǵandaı, Makron bul málimdemeni Parıjdiń josparlaryn túsindirý barysynda jasady. The Wall Street Journal dereginshe, áńgime Saýd Arabıasynyń munaı ınfraqurylymynyń strategıalyq mańyzdy nysanyn qorǵaýǵa kómektesý týraly bolyp otyr.
«Biz áskerı quraldardy, ıaǵnı sarbazdardy, radıolokasıalyq júıeler men qorǵanys júıelerin jiberip, osy nysandy qorǵaımyz. Parıj eshqandaı qaqtyǵysqa aralaspaıdy. Sheshim saýd bıligimen kelisildi», — dedi Makron.
Ianbý porty Iranmen soǵys bastalǵannan beri Eýropaǵa dızel otynyn, shıki munaı men basqa da munaı ónimderin jetkizýdiń negizgi toraptarynyń biri sanalady. Ol saýd eksportyna Ormýz buǵazyn aınalyp ótýge múmkindik beredi.
Tamyzda Makron Saýd Arabıasynyń murager hanzadasy Muhammed bın Salmanmen kezdesip, eki kóshbasshy birqatar strategıalyq kelisimge qol qoıǵan.
Eske salaıyq, buǵan deıin Saýd Arabıasynyń Energetıka mınıstrligi birneshe shabýyldan keıin «Shyǵys — Batys» munaı qubyrynyń Medına men Er-Rıad aýdandaryndaǵy ýchaskelerindegi jumysyn toqtatqan.
Búgin hýsıtter Iemenge jasalǵan soqqylarǵa jaýap retinde Er-Rıad pen Saýd Arabıasynyń batysyndaǵy Ianbý qalasyndaǵy mańyzdy nysandarǵa shabýyl jasaǵanyn málimdedi.