Fransıanyń densaýlyq saqtaý mınıstrligi jazǵy maýsymnyń qorytyndysyn shyǵardy: anomaldy ystyq 7 myńnan astam adamnyń ólimine sebep boldy. Bul týraly infohub.kz saıty habarlaıdy.
Fransıanyń densaýlyq saqtaý mınıstri Stefanı Rısttiń málimdeýinshe, shilde aıynyń sońyna qaraı elde birneshe ystyq tolqynyna baılanysty 7 myń adamnyń artyq ólimi tirkelgen. Ol telearna efırinde eldiń densaýlyq saqtaý júıesi júktemege tótep berip jatqanyn, alaıda joǵary temperatýranyń qurbany bolyp negizinen iri qalalarda turatyn jalǵyzbasty adamdar qalyp jatqanyn atap ótti.
Mınıstr sonymen qatar eleýli saldarǵa qaramastan, Fransıadaǵy ólim kórsetkishi Germanıadaǵydan tómen ekenin aıtty. Buǵan deıin BAQ Eýropada bıylǵy jazda anomaldy ystyqtan keminde 35 myń adam qaza bolýy múmkin dep habarlaǵan edi.