Freedom Banki Qazaqstan Respýblıkasy Ulttyq Bankiniń Antıfrod-ortalyǵynyń eki marapatyna birden ıe boldy. Bıyl qarjy uıymy «Jyldyń antıfrod-seriktesi» jáne «Antıfrod-ortalyǵyn damytýǵa qosqan úlesi» nomınasıalarynda úzdik dep tanyldy. Bul marapattar qarjylyq alaıaqtyqqa qarsy turý tetikterin qurý men jetildirýge belsene qatysqany úshin berildi. Bıyl barlyǵy tórt nomınasıa jarıalanǵan, sonyń ekeýi Freedom-ge buıyrdy, dep habarlaıdy infohub.kz saıty.
Osylaısha, banktiń qorjynynda Antıfrod-ortalyǵynan alǵan úsh marapat jınaldy. Aıta keteıik, byltyr Freedom «Jyldyń qaıtarymy» nomınasıasynda úzdik dep tanylǵan bolatyn.
Marapattar Central Asia Fintech Summit 2026 aıasyndaǵy saltanatty rásimde tabys etildi. Olardy Qazaqstan Respýblıkasy Ulttyq Banki Tóraǵasynyń orynbasary Bınýr Jalenov, Qazaqstan Ulttyq tólem korporasıasy Basqarmasynyń tóraǵasy Janar Samaeva jáne Verigram kompanıasynyń negizin qalaýshy Asanalı Baıǵojın tapsyrdy.
«Bul marapattar biz úshin erekshe mańyzdy, óıtkeni olar klıentterdi qorǵaý júıemiz jekelegen tustarda emes, júıeli túrde jáne túrli baǵytta jumys isteıtinin kórsetedi. Búginde bankimizdiń ishindegi antıfrod — minez-qulyqty taldaý, ML-modelder, jasandy ıntellekt, graftyq taldaý jáne jedel den qoıý bar keshendi júıe. Biz klıentterdiń tán emes minez-qulqyn erte anyqtaý tehnologıalaryn erekshe damytyp kelemiz, al graftyq taldaý ózara baılanystardy taýyp, alaıaqtyqtyń tutas tizbekterin áshkereleýge kómektesedi», — dedi Freedom Banki Dırektorlar keńesiniń múshesi Aıdos Jumaǵulov.
Marapattyń mańyzyn Ulttyq tólem korporasıasy Basqarmasynyń tóraǵasy Janar Samaeva da atap ótti:
«Freedom Banki ekinshi jyl qatarynan bizdiń nomınantymyz bolyp otyr. Túrli kórsetkishter boıynsha turaqty joǵary nátıje kórsetý banktiń antıfrod-ınfraqurylymynyń jetilgenin, komandasynyń jedeldigin, prosesteriniń dáldigin jáne engizilgen tehnologıalardyń joǵary deńgeıin rastaıdy. Dál osyndaı keshendi tásil klıentterdiń aqshasyna naqty qaýipsizdik qamtamasyz etedi».
QR UB Antıfrod-ortalyǵy — Qazaqstan Respýblıkasynyń Ulttyq Banki alaıaqtyq tranzaksıalarmen kúresý úshin iske qosqan júıe. Onyń negizgi mindeti — kúdikti tranzaksıalar týraly derekterdi jınap, taldaý arqyly alaıaqtyqty naqty ýaqyt rejıminde anyqtaý, buǵattaý jáne aldyn alý.
«Frıdom Bank Kazahstan» AQ — Qazaqstan aýmaǵynda Freedom saýda markasymen jumys isteıtin ınovasıalyq bank. Bank jeke jáne zańdy tulǵalarǵa sıfrlyq qarjy ónimderi men qyzmetterin usynady. Ipotekalyq qaryz alýdy, avtokredıt pen bızneske arnalǵan kredıtterdi sıfrlandyrdy. Sondaı-aq Qazaqstanda tuńǵysh INVEST CARD ınvestor kartasyn jáne taǵy basqa birqatar sıfrlyq kartalardy shyǵardy. Qazaqstannyń 20 qalasynda usynylǵan fılıaldyq jelisi bar. Bank qarjylyq qyzmet, bólshek brokerlik operasıalar, baǵaly qaǵazdar saýdasy, ınvestısıalyq-banktik jáne anderraıtıngtik qyzmetterdi júzege asyratyn Freedom Holding Corp. holdıńiniń quramyna kiredi. Búginde holdıńtiń jaı aksıalary Nasdaq Capital Market jáne Qazaqstan qor bırjasynda saýdalanady.