Future-diń onynshy stýdıalyq álbomy «The Real Me» Billboard 200 chartynda birinshi orynnan debút jasady. Ol birinshi oryn alǵan álbomdar sany boıynsha Emınemniń rekordyn jańartty, dep infohub.kz saıty habarlaıdy.
AQSH-ta alǵashqy aptada álbom 131 myń ekvıvalentti birlik jınady. Onyń 118 myńy strımıngtik servısterge tıesili, ıaǵnı trekter 120 mıllıonnan astam resmı tyńdalym jınady. Fızıkalyq jáne sıfrlyq satylym 13 myń danany qurady.
Bul jetistik Future-diń Billboard 200-de birinshi oryn alǵan 12-shi álbomy boldy. Osylaısha ol charttopperler sany boıynsha 11 álbomy bar Emınemnen asyp, tarıhtaǵy úshinshi reper atandy. Chart tarıhynda ozyp ketkender: The Beatles (19), Dreık pen Teılor Svıft (ekeýinde 15) jáne Jay-Z (14).
«The Real Me» — prodúser Metro Boomin-men birlesken birneshe jobadan keıin reperdiń alǵashqy jeke stýdıalyq álbomy.