Brıtandyq aktrısa Bel Paýlı, HBO-dyń Garrı Potter týraly kitaptar jelisindegi aldaǵy serıaldyq beıimdelýinde Petýnıa Dýrsl tátesiniń róline bekitilgen, franshıza avtory Djoan Roýlıngtiń kózqarastary týraly pikir bildirdi. The Telegraph basylymyna bergen suhbatynda ártis jazýshynyń genderlik sáıkestik máseleleri boıynsha ustanymyn múldem bólispeıtinin ashyq málimdedi, dep habarlaıdy infohub.kz saıty.
Paýlı transgenderler qaýymdastyǵy qoǵamda qaýipsizdikke, qurmetke jáne tolyq qabyldaýǵa laıyq ekenin atap ótti. Sonymen qatar aktrısa jas sıqyrshy týraly kitaptarmen óskenin, oqyrmandardyń birinshi býynyna jatatynyn jáne bul ertegi álemin shyn júrekten jaqsy kóretinin qosty.
Jańa jobanyń atqarýshy prodúseri bolyp tabylatyn Djoan Roýlıng bıologıalyq jynys týraly jarıalanǵan málimdemeleri úshin birneshe ret synǵa ushyraǵan. Buǵan deıin jazýshynyń ustanymymen túpnusqa kınonusqanyń akterleri Denıel Redklıff pen Emma Ýotson da kelispegen, al Reıf Faıns ony qorǵap shyqqan. Serıaldyń birinshi maýsymynyń tusaýy jyl sońyna josparlanǵan.