Táttimen nemese kofemen tańǵy as ishý — kópshilikke ádetke aınalǵan jyldam tańǵy as. Biraq osyndaı júıeli tańǵy astyń densaýlyqqa qalaı áser etetinin az adam oılaıdy. Gastroenterolog dáriger Tolǵanaı áleýmettik jelilerinde kórermenderdi tańǵy asynyń quramyna nazar aýdarýǵa shaqyrdy, dep habarlaıdy infohub.kz saıty.
Mamannyń túsindirýinshe, ót baýyrda túzilip, ót qabynda jınaqtalady. Tamaqtanǵan kezde ót qaby jıyrylyp, ony ishekke shyǵarady, al taǵamdaǵy maılar bul úderiske yqpal etedi.
«Kópshilik tańǵy asty bylaı ishedi: pechene, tosap, nan jáne shaı. Biraq men sizge aıtsam, osyndaı tańǵy aspen jaqyn 10—15 jylda ót qabyńyzdan aıyrylý qaýpi bar», — deıdi dáriger.
Gastroenterologtyń aıtýynsha, negizinen kómirsýly ónimderden turatyn tańǵy as ót qabynyń qalypty bosaýyna múmkindik bermeıdi.
«Tańerteń ót qaby bosaǵysy kelip, aqýyz-maıly tańǵy asty kútedi. Onyń ornyna kómirsýly taǵam alady, bul ót qabynyń sapasyz bosaýyna ákeledi. Keıinnen bul óttiń irkilýine, sladjǵa, tas túzilýine jáne bolashaqta ót qabyn alyp tastaýǵa ákep soǵady», — dep túsindiredi dáriger.
Alaıda tańǵy astyń quramy ǵana adamda ót qabynyń tasy paıda bolatynyn anyqtamaıdy. Qaýipke dene salmaǵy, jalpy tamaqtaný sıpaty, fızıkalyq belsendilik jáne basqa da faktorlar áser etedi.
Buǵan deıin Kursiv Health jasyl jáne klasıkalyq jerortateńizdik dıetalar týraly zertteý jazǵan. Ǵalymdar olardyń bireýi qandaǵy B9 vıtamıniniń kóp mólsherimen baılanysty bolýy múmkin ekenin anyqtady.