Ǵaısadaı jan beretin tańnyń jeli,
Qaıǵymdy jelge ushyryp, tirilt meni!
Aqylym, kárilikke jabyrqama,
Talpynyp taǵy da aqtar dúnıeni.
Qaıratym, qarsy júzip qaırańdap shyq,
Ádeıi saqtaǵamyn soǵan seni.
Tilim, sen barsha janǵa paıdalyny aıt,
Aqynsyp aıta bermeı áldeneni.
Sheber til júırik oıdy sheshe bilse,
Taýsylar dep oılama sózdiń keni.
Jyr, óleń‚ nasıhat sóz, maqal, taqpaq,
Tayyp aıtsa – daýasyz derttiń emi.
Syrty saý, ishi naýqas eldiń deni,
Aldap aıtqysh aqyn kóp – til shesheni.
Jaıdarysyp quıryǵyn jaıqaqtatar,
Júreginiń syry emes sóılegeni.
Munysy – tuzaq quryp, salǵan jemi,
Syrty pishpe bolsa da, ishinde eni.
Ondaılardyń ornyqty beti bolmas,
Jel dıirmen sıaqty sendelmeli.
Zamannyń yńǵaıyna aqqan seńi
Ár aıǵyrǵa bir kirgen baıtal – teńi.
Ne úkimet, nemese qaýymdy aldap,
Arsyzdyqpen ne bolar alǵan sheni?

---