Jańa Geely Galaxy Battleship 700 ramdyq jol talǵamaıtyn kóligi tek qarqyndy júgirip qana qoımaı, sýda da júze alady. Synaq barysynda qýaty 1100 a.k. gıbrıd 100 km/saǵ jyldamdyqqa 3,9 sekýndta jetip, keıin sý qoımasyna kirdi. Modelge sholýdy qytaılyq avtobloger Sergeı Gılevıch jasady, dep habarlaıdy infohub.kz saıty.
Galaxy 700 qýaty 220 a.k. 2 lıtrlik týrbodvıgatel jáne úsh elektromotormen jabdyqtalǵan. Qýat qondyrǵysynyń jalpy qaıtarymy 1100 a.k. jetedi, al 100 km/saǵ deıin údeý 3,9 sekýnd alady.
Jol talǵamaıtyn kólik retteletin klırensi bar eki kameraly pnevmopodveska aldy. Dóńgelek bazasy 2900 mm, kirý buryshy – 30 gradýs, shyǵý buryshy – 31 gradýs. Shanaqtyń buralýǵa qattylyǵy 40 myń Nm/grad deńgeıinde málimdelgen.
Gılevıchtiń aıtýynsha, salonda qymbat materıaldar az. Joǵarǵy bóligi jumsaq materıalmen qaptalǵan, tómengi jaǵynda qatty plasık qoldanylǵan. Tabıǵı teriniń ornyna – jasandy teri. Jabdyqtaýdan rúldi jylytý, massaj, jeldetý jáne aldyńǵy oryndyqtardy jylytý, al ekinshi qatarǵa – jeldetý men jylytý qoljetimdi.
Synaqtyń eń erekshe bóligi Galaxy Battleship 700 sýǵa jiberilgende bastaldy. Artqy bamperdiń astynda eki vınt – sol jáne oń jaqta ornalasqan, olar kólikti qozǵalysqa keltiredi.
Sholý avtorynyń aıtýynsha, jol talǵamaıtyn kólik sýda 40 mınýtqa deıin bola alady. Salystyrý úshin ol BYD Yangwang U8-di atap ótti, oǵan 10 mınýtqa az ýaqyt málimdelgen.
Polıgonda tek júzý qabileti ǵana tekserilgen joq. Galaxy 700 45 gradýs eńispen kóterilýdi baǵyndyrdy, sondaı-aq arnaıy daıyndalǵan ýchaskelerde júrgizýshige kómektesý júıeleriniń jumysyn kórsetti.
Geely Galaxy Battleship 700-diń resmı baǵasy ázirge joq. Gılevıch Qytaıda mashına 30 myńnan 40 myń dollarǵa, shamamen 13,5–18 mln teńgege turýy múmkin dep boljady.
Alaıda júris sapasyn áli de tolyq baǵalaý erte. Avtor bul tanysý testi bolǵanyn, al synaqqa arnalǵan tolyqqandy avtomobılder qyrkúıektiń sońyna qaraı paıda bolýy tıis ekenin atap ótti.
Buǵan deıin Kýrsıv Avto Mercedes-Benz óziniń jol talǵamaıtyn kólikterin júzýge úıretýdi qalaıtynyn jazǵan bolatyn.